ធនាគារពិភពលោក បានបង្ហាញរបាយការណ៍ព្យាករថា កំណើនសេដ្ឋកិច្ចឡើងវិញនេះ បើប្រៀបធៀបជាមួយប្រទេសតំបន់អាស៊ាន កម្ពុជានឹងកើនលើសប្រទេសថៃ ។ បើតាមធនាគារពិភពលោក ប្រទេសថៃមានកំណើនត្រឹម ៣.៩ភាគរយ នៅឆ្នាំ២០២២នេះ។
 

តែយ៉ាងណាក្នុងរបាយការណ៍ដដែលបន្ថែមថា កម្ពុជា ម៉ាឡេស៊ី ហ្វីលីពីន និង ថៃ ដែលមានសេដ្ឋកិច្ចពឹងផ្អែកលើវិស័យទេសចរណ៍នោះ គឺមិនរំពឹងថានឹងងើបឡើងវិញដល់កម្រិតខ្ពស់ ដូចមុនពេលផ្ទុះជំងឺកូវីដ-១៩ ឡើយ។
 

បន្ថែមពីនេះ ធនាគារពិភពលោក ក៏បានព្រមានពីវត្តមានវីរុសបំលែង Omicron នៅកម្ពុជា ដែលអាចរំខានដល់ការងើបឡើងវិញនៃឧស្សាហកម្មទេសចរណ៍ និងការធ្វើដំណើរផងដែរ។
 

កន្លងមករដ្ឋាភិបាលកម្ពុជា បានព្យាករថាសេដ្ឋកិច្ចជាតិ នឹងងើបឡើងវិញ ដល់៤.៨ភាគរយ នៅឆ្នាំ២០២២នេះ ។  បើតាមសេចក្តីព្រាងច្បាប់ថវិការជាតិសម្រាប់ឆ្នាំ២០២២ សេដ្ឋកិច្ចកម្ពុជា អាចកើនឡើងវិញ ដោយសារការបើកដំណើរប្រទេសជាធម្មតា ជាពិសេសវិស័យមួយចំនួន ដូចជា ឧស្សាហកម្ម សេវាកម្ម ទេសចរណ៍ កសិកម្ម និងសំណង់ជាដើម មានសន្ទុះឡើងវិញ៕