ក្លិប Paris Saint Germain បានធ្វើតេស្តរកឃើញកូវីដ-១៩ លើកីឡាករសញ្ជាតិអាហ្សង់ទីន ក្រោយរូបគេសម្រាករដូវរងារ។ ពេលនោះ Messi បានខកខានប្រកួតដែល PSG យកឈ្នះលើ Vannes ៤-០ នៅពានរង្វាន់ Coupe de France។
 

Messi ក៏បានសរសេរសារអរគុណទៅអ្នកគាំទ្រក្នុងបណ្តាញសង្គម Instagram ដើម្បីការអបអរដែលជាពីជំងឺកូវីដ-១៩ ហើយវិលត្រលប់ជួយក្រុមឡើងវិញក្នុងពេលឆាប់ៗ។
 

«ដូចដែលគ្រប់គ្នាបានដឹងហើយថា ខ្ញុំធ្លាប់បានឆ្លងកូវីដ-១៩ ខ្ញុំអរគុណអ្នកគាំទ្រគ្រប់គ្នាសម្រាប់សារអបអរទាំងអស់។ ខ្ញុំចង់ប្រាប់ការជាសះស្បើយពីកូវីដ-១៩ ទាមទារការប្រើពេលវេលាយូរណាស់ទើបអាចត្រលប់មកជាសះស្បើយល្អឡើងវិញ។»Messi សរសេរក្នុង Instagram បែបនេះ។
 

មិនតែប៉ុណ្ណោះខ្សែប្រយុទ្ធវ័យ៣៤ឆ្នាំ ក៏បានសរសេរបញ្ជាក់ថែមទៀតថា មកដល់ពេលនេះ ខ្លួនបានជាពីជំងឺកូវីដ-១៩ ១០០ភាគរយ និងបានត្រលប់ទៅកាន់ទីលានហ្វឹកហាត់វិញ។

មកដល់ពេលនេះ Messi ទើបតែជួយរកគ្រាប់បាល់ឱ្យ PSG ត្រឹមតែ ៦គ្រាប់ពីការបង្ហាញខ្លួន១៦ប្រកួតគ្រប់កម្មវិធី។ ខ្សែប្រយុទ្ធរូបនេះ ទើបតែស៊ុតបាល់១គ្រាប់ប៉ុណ្ណោះក្នុង Ligue 1 រដូវកាលនេះ៕