Jake Paul ដែលប្រែខ្លួនពី YouTuber ទៅជាអ្នកប្រដាល់ អាចរកចំណូលបាន៤០លានដុល្លារពីការឡើងសង្វៀន៣លើកនៅឆ្នាំ២០២១។ នៅឆ្នាំ២០២១ ដដែល អ្នកប្រដាល់សញ្ជាតិអាម៉េរិកក៏ទទួលបានចំណូលពី YouTube ៥លានដុល្លារផងដែរ ដែលធ្វើឱ្យរូបគេក្លាយជាអត្តពលិកទាំង២០ដែលរកប្រាក់បានច្រើនបំផុតលើលោក។

 

នៅឆ្នាំ ២០២១ Paul បានឡើងសង្វៀនតតាំងជាមួយ Ben Askren មួយលើក និង Tyron Woodley ចំនួនពីរដង ដោយទទួលជ័យជម្នះទាំង៣លើក។ ជ័យជម្នះទាំង៣លើកនៅឆ្នាំ២០២១ បានជួយអ្នកប្រដាល់ វ័យ២៤ឆ្នាំរូបនេះមានកំណត់ត្រាឈ្នះទាំង៥លើកមិនដែលចាញ់។
 

យោងតាមទស្សនាវដ្តី Forbes អតីត YouTuber រូបនេះ អាចរកចំណូលបាន ៤០ លានដុល្លារអាម៉េរិក (មិនទាន់បង់ពន្ធ) នៅឆ្នាំ២០២១ តាមរយៈការឡើងសង្វៀនប្រដាល់៣លើក ឈ្នះទាំង៣លើក។
 

អ្វីដែលពិសេសជាងនេះទៅទៀតនោះ Paul នៅតែទទួលបានប្រាក់ពី YouTube ចំនួន៥លានដុល្លារនៅឆ្នាំ២០២១ ពីសេវាកម្មចែករំលែកវីដេអូដ៏ច្រើនរបស់ខ្លួន និងជួយរូបគេស្ថិតនៅចំណាត់ថ្នាក់ទី២ ក្នុងបញ្ជី YouTubers ដែលរកចំណួលបានច្រើនផង។
 

ប្រាក់ដែលរកបាននៅឆ្នាំ២០២១ ចំនួន៤៥លានដុល្លារ បានជួយ Paul មានឈ្មោះក្នុងចំណោមអត្តពលិកទាំង២០រូបដែលរកបានចំណូលច្រើនជាងគេបំផុតលើលោក ដោយនាំមុខកំពូលកីឡាវាយកូនបាល់ Novak Djokovic កីឡាករវាយកូនគោល Phil Mickelson និងកំពូលអ្នកប្រដាល់រកដៃគូវ៉ៃលែងបាន Saul Alvarez៕