គម្រោងទី១ ដែលនឹងត្រូវចុះហត្ថលេខា គឺគម្រោងបោសសម្អាតមីនប្រកបដោយសមហរណកម្ម និងសង្គ្រោះជនពិការដោយសារមីន ដំណាក់កាលទី២។ គម្រោងនេះ មានទំហំទឹកប្រាក់ជាង១៧លានដុល្លារ។ ចំណែក គម្រោងមួយទៀត គឺការពង្រីកប្រព័ន្ធផ្គត់ផ្គង់ទឹកស្អាត នៅខេត្តស្វាយរៀង ដែលមានទឹកប្រាក់ប្រមាណ២៤លានដុល្លារ។ នេះបើតាមសេចក្ដីប្រកាសព័ត៌មានរបស់ក្រសួងការបរទេស ចេញថ្ងៃទី២៨កុម្ភៈ ឆ្នាំ២០២២។ 

 

ហិរញ្ញប្បទានឥតសំណងរបស់រដ្ឋាភិបាលជប៉ុននេះ នឹងរួមចំណែកយ៉ាងសំខាន់ ដល់កិច្ចខំប្រឹងប្រែងរបស់រដ្ឋាភិបាលកម្ពុជា ពិសេសជំរុញការអភិវឌ្ឍសេដ្ឋកិច្ចសង្គមកម្ពុជា។ ជាពិសេសពង្រឹងកិច្ចសហប្រតិបត្តិការល្អរវាងប្រទេសទាំងពីរ៕