កីឡាជាតិ
ជាតិ
អតីតកីឡាករជម្រើសជាតិបែលហ្ស៊ិក ថាខ្មែរមានបច្ចេកទេសល្អ ប៉ុន្តែខ្សោយកម្លាំង
លោក Bertrand Crasson ជួបជាមួយលោក Yeo Wee Han ថ្នាក់ដឹកនាំក្លិបណាហ្គាខប និងលោក ប្រាក់ សុវណ្ណារ៉ា។ រូបថត But Bunsak
×![]()
បាងកក៖ លោក Bertrand Crasson អាយុ៤២ឆ្នាំ ជាអតីតខ្សែការពារជម្រើសជាតិបែលហ្ស៊ិកចន្លោះពីឆ្នាំ១៩៩១ ដល់ឆ្នាំ២០០១។ លោកជាសមាជិកម្នាក់របស់ជម្រើសជាតិបែលហ្ស៊ិកនាយុទ្ធនាការ World Cup ឆ្នាំ១៩៩៨។ លោកបានចាប់ផ្តើមចូលលេងជាកីឡាករបាល់ទាត់អាជីពនៅក្លិប Anderlecht (១៩៨៩-១៩៩៦) ហើយនារដូវកាលឆ្នាំ១៩៩០-៩១ លោកបានជាប់ជាកីឡាករយុវជនឆ្នើមប្រចាំឆ្នាំរបស់បែលហ្ស៊ិក។
ពីឆ្នាំ១៩៩៦ ដល់ឆ្នាំ១៩៩៨ លោកបានចូលលេងឲ្យក្លិប Napoli នៃក្របខណ្ឌ Serie A មុនវិលទៅកាន់ Anderlecht វិញរហូតដល់ឆ្នាំ២០០៣។ មុនចូលនិវត្តន៍នៅឆ្នាំ២០០៥ លោកបានចូលលេងនៅក្លិប Lierse និងក្លិប FC Brussels។
បច្ចុប្បន្ន លោក Crasson មានតួនាទីជានាយកកម្មវិធីបាល់ទាត់ថ្នាក់ (Academy Director) របស់ក្លិប BEC-Tero Sansana FC នៃក្របខណ្ឌ Thai Premier League។ កាលពីសប្តាហ៍មុន លោកបានដឹកនាំក្រុមជម្រើសទីពីររបស់ BEC-Tero Sansana (BCC-Tero) ដោយទទួលជ័យជម្នះ ៤-១ លើណាហ្គាខប នាជំនួបមិត្តភាពកម្តៅសាច់ដុំ។
ក្រោយជំនួបជាមួយណាហ្គាខប លោក Crasson បានថ្លែងប្រាប់គេហទំព័រថ្មីៗថា កម្ពុជាមានកីឡាករដែលពោរពេញដោយបច្ចេកទេសជាច្រើន ប៉ុន្តែពួកគេមានបញ្ហាផ្នែកកម្លាំង ពោលគឺមិនអាចមានថាមពលពេញសម្រាប់រយៈពេល៩០នាទីនោះឡើយ។
លោកបានគូសបញ្ជាក់ថា៖ «កីឡាករខ្មែររបស់ណាហ្គាខប មានបច្ចេកទេសល្អក្នុងការបញ្ជូនបាល់ គ្រប់គ្រងបាល់ ប៉ុន្តែពួកគេហាក់ដូចមានឆាប់អស់កម្លាំងណាស់។ នេះប្រហែលជាពួកគេមិនបានហាត់កម្លាំងឲ្យបានគ្រប់គ្រាន់»។
លោក Crasson ដែលធ្លាប់បានចូលលេង២៦លើកសម្រាប់ការប្រកួតធំៗរបស់ជម្រើសជាតិបែលហ្ស៊ិក បានកត់សម្គាល់បន្ថែមថា កីឡាករកម្ពុជាហាក់ដូចជាមានសន្ទុះខ្លាំងនៅ២០នាទីដំបូង ប៉ុន្តែក្រោយមក កម្លាំងរបស់ពួកគេកាន់តែមានការថមថយ។ លោកបានលើកឡើងថា ដូចជានៅថៃ ឬផ្សេងទៀតនៅក្នុងតំបន់ផងដែរ បាល់ទាត់កម្ពុជាគួរតែមានការចូលរួមពីកីឡាករបរទេសដែលមានបទពិសោធន៍ដើម្បីដឹកនាំពួកគេលេង។
លោកបានលើកឡើងបន្តទៀតថា កីឡាករទាំងអស់មិនត្រូវបាក់ទឹកចិត្តឡើយ នៅពេលដែលគួរប្រកួតស៊ុតបញ្ចូលទីគ្រាប់ទីមួយ ពីព្រោះបើមានការបាក់ទឹកចិត្ត ពួកគេនឹងបន្តធ្លាញសំណាញ់ទីជាបន្តបន្ទាប់ទៀត។ សម្រាប់លោក ស្មារតីជាក្រុមជាកត្តាចាំបាច់បំផុតដើម្បីឲ្យកីឡាករអាចលេងប្រកបដោយថាមពលក្នុងរយៈពេល៩០នាទីពេញ។
ទាក់ទងនឹងការបង្ហាញខ្លួនរបស់ក្រុមជម្រើសជាតិបែលហ្ស៊ិកសម្រាប់យុទ្ធនាការ World Cup ឆ្នាំ២០១៤ នៅប្រទេសប្រេស៊ីល ក្រោមការដឹកនាំរបស់លោក Marc Wilmots ត្រូវបានលោក Crasson វាយតម្លៃថា ជាយុគសម័យមាសមួយ។
លោកមិនហ៊ានសន្និដ្ឋានថា ក្រុមបែលហ្ស៊ិកនឹងឈានដល់កម្រិតណានោះឡើយ ប៉ុន្តែលោកជឿជាក់ថា កីឡាករឆ្នើមៗមួយចំនួន ដូចជាអ្នកចាំទី Thibaut Courtois ខ្សែការពារ Vincent Kompany ខ្សែបម្រើ Eden Hazard ឬខ្សែប្រយុទ្ធ Romelu Lukaku នឹងធ្វើឲ្យមានការភ្ញាក់ផ្អើល៕
ពីឆ្នាំ១៩៩៦ ដល់ឆ្នាំ១៩៩៨ លោកបានចូលលេងឲ្យក្លិប Napoli នៃក្របខណ្ឌ Serie A មុនវិលទៅកាន់ Anderlecht វិញរហូតដល់ឆ្នាំ២០០៣។ មុនចូលនិវត្តន៍នៅឆ្នាំ២០០៥ លោកបានចូលលេងនៅក្លិប Lierse និងក្លិប FC Brussels។
បច្ចុប្បន្ន លោក Crasson មានតួនាទីជានាយកកម្មវិធីបាល់ទាត់ថ្នាក់ (Academy Director) របស់ក្លិប BEC-Tero Sansana FC នៃក្របខណ្ឌ Thai Premier League។ កាលពីសប្តាហ៍មុន លោកបានដឹកនាំក្រុមជម្រើសទីពីររបស់ BEC-Tero Sansana (BCC-Tero) ដោយទទួលជ័យជម្នះ ៤-១ លើណាហ្គាខប នាជំនួបមិត្តភាពកម្តៅសាច់ដុំ។
ក្រោយជំនួបជាមួយណាហ្គាខប លោក Crasson បានថ្លែងប្រាប់គេហទំព័រថ្មីៗថា កម្ពុជាមានកីឡាករដែលពោរពេញដោយបច្ចេកទេសជាច្រើន ប៉ុន្តែពួកគេមានបញ្ហាផ្នែកកម្លាំង ពោលគឺមិនអាចមានថាមពលពេញសម្រាប់រយៈពេល៩០នាទីនោះឡើយ។
លោកបានគូសបញ្ជាក់ថា៖ «កីឡាករខ្មែររបស់ណាហ្គាខប មានបច្ចេកទេសល្អក្នុងការបញ្ជូនបាល់ គ្រប់គ្រងបាល់ ប៉ុន្តែពួកគេហាក់ដូចមានឆាប់អស់កម្លាំងណាស់។ នេះប្រហែលជាពួកគេមិនបានហាត់កម្លាំងឲ្យបានគ្រប់គ្រាន់»។
លោក Crasson ដែលធ្លាប់បានចូលលេង២៦លើកសម្រាប់ការប្រកួតធំៗរបស់ជម្រើសជាតិបែលហ្ស៊ិក បានកត់សម្គាល់បន្ថែមថា កីឡាករកម្ពុជាហាក់ដូចជាមានសន្ទុះខ្លាំងនៅ២០នាទីដំបូង ប៉ុន្តែក្រោយមក កម្លាំងរបស់ពួកគេកាន់តែមានការថមថយ។ លោកបានលើកឡើងថា ដូចជានៅថៃ ឬផ្សេងទៀតនៅក្នុងតំបន់ផងដែរ បាល់ទាត់កម្ពុជាគួរតែមានការចូលរួមពីកីឡាករបរទេសដែលមានបទពិសោធន៍ដើម្បីដឹកនាំពួកគេលេង។
លោកបានលើកឡើងបន្តទៀតថា កីឡាករទាំងអស់មិនត្រូវបាក់ទឹកចិត្តឡើយ នៅពេលដែលគួរប្រកួតស៊ុតបញ្ចូលទីគ្រាប់ទីមួយ ពីព្រោះបើមានការបាក់ទឹកចិត្ត ពួកគេនឹងបន្តធ្លាញសំណាញ់ទីជាបន្តបន្ទាប់ទៀត។ សម្រាប់លោក ស្មារតីជាក្រុមជាកត្តាចាំបាច់បំផុតដើម្បីឲ្យកីឡាករអាចលេងប្រកបដោយថាមពលក្នុងរយៈពេល៩០នាទីពេញ។
ទាក់ទងនឹងការបង្ហាញខ្លួនរបស់ក្រុមជម្រើសជាតិបែលហ្ស៊ិកសម្រាប់យុទ្ធនាការ World Cup ឆ្នាំ២០១៤ នៅប្រទេសប្រេស៊ីល ក្រោមការដឹកនាំរបស់លោក Marc Wilmots ត្រូវបានលោក Crasson វាយតម្លៃថា ជាយុគសម័យមាសមួយ។
លោកមិនហ៊ានសន្និដ្ឋានថា ក្រុមបែលហ្ស៊ិកនឹងឈានដល់កម្រិតណានោះឡើយ ប៉ុន្តែលោកជឿជាក់ថា កីឡាករឆ្នើមៗមួយចំនួន ដូចជាអ្នកចាំទី Thibaut Courtois ខ្សែការពារ Vincent Kompany ខ្សែបម្រើ Eden Hazard ឬខ្សែប្រយុទ្ធ Romelu Lukaku នឹងធ្វើឲ្យមានការភ្ញាក់ផ្អើល៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
