លោក មាស វីរិទ្ធ ក៏បានជូនពាក្យស្លោកអំពីការប្រឆាំងគ្រឿងញៀន ទៅប្រធានស្ថាប័នរដ្ឋ ប្រធានស្ថាប័នឯកជន និងប្រធានសមាគមផងដែរ សម្រាប់ការផ្សព្វផ្សាយ។ ពាក្យស្លោកទាំងនោះ មានដូចជា ការផលិត ចរាចរ រក្សាទុក ជួញដូរ និង ចែកចាយគ្រឿងញៀន ជាអំពើខុសច្បាប់, ប្រើគ្រឿងញៀន គឺបំផ្លាញខ្លួនឯង ក្រុមគ្រួសារ និង សង្គមជាតិ, ត្រូវនិយាយថាទេ ចំពោះគ្រឿងញៀន, ចូលរួមលុបបំបាត់គ្រឿងញៀន ដើម្បីអនាគតកូនចៅយើង ។ល។ 
 

ប្រធានស្ថាប័នរដ្ឋ ប្រធានស្ថាប័នឯកជន និង ប្រធានសមាគម ដែលទទួលបានលិខិតពីលោក មាស វីរិទ្ធ រួមមាន ប្រធានគណៈកម្មាធិការត្រួតពិនិត្យគ្រឿងញៀនរាជធានី-ខេត្ត អគ្គនាយកនៃអគ្គនាយដ្ឋានព័ត៌មាន-សោតទស្សន៍របស់ក្រសួងព័ត៌មាន ប្រធាននិយ័តករទូរគមន៍កម្ពុជា ប្រធានទូរទស្សន៍-ប្រធានផលិតកម្មនានា ប្រធានសមាគមអ្នកសិល្បករមនុស្សធម៌កម្ពុជា ប្រធានសមាគមទូរទស្សន៍កម្ពុជា ប្រធានសមាគមវិទ្យុកម្ពុជា និង ប្រធានសហភាពសហព័ន្ធយុវជនកម្ពុជា ជាដើម។ លិខិតទាំងអស់របស់លោក សុទ្ធតែចុះនៅថ្ងៃទី១៦ ខែមីនា ឆ្នាំ២០២២ ដូចគ្នា។ 
 

សូមបញ្ជាក់ថា ពិធីចូលឆ្នាំថ្មីប្រពៃណីខ្មែរ នឹងប្រព្រឹត្តទៅនៅថ្ងៃទី១៤ ថ្ងៃទី១៥ និង ថ្ងៃទី១៦ ខែមេសា ឆ្នាំ២០២២៕