ជាមួយជ័យជម្នះលើក្រុមតួកគីក្នុងលទ្ធផល ២-១ នាថ្ងៃទី១៨ ខែមីនារួចរាល់មក ក្រុមអ្នកមានបុណ្យ មានពេលវេលា សម្រាកមិនច្រើនឡើងដើម្បីបន្តការប្រកួតជាក្រុមគូប្រជែងដ៏ខ្លាំងក្នុងលីគ La Liga គឺក្រុម Real Madrid នាកីឡដ្ឋាន Santiago Bernabéu។
 

មុនជំនួប El Clasico មកដល់ គ្រូបង្វឹកក្រុមអ្នកមានបុណ្យលើកឡើងថា ការជួប Real Madrid នឹងជាជំនួបដ៏ពិបាកបំផុតមួយដែលមិនអាចមើលស្រាលបាន។
 

«ពិតណាស់ពេលនេះយើងកំពុងតែស្ថិតនៅក្នុងទម្រង់លេងមួយដ៏ល្អមុនជំនួប El Clasico ប៉ុន្តែវាគ្មានន័យអ្វីឡើយ។ ខ្ញុំធ្លាប់មានបទពិសោធច្រើនដងហើយសម្រាប់ការប្រកួតនេះ ពេលខ្លះយើងលេងខ្សោយវាបែរជាឈ្នះ ពេលយើងលេងខ្លាំង ពួកគេបំបាក់យើង ការប្រកួតនេះគឺជាការប្រកួតដ៏ពិបាកមួយ។» Xavi បានលើកឡើងបែបនេះប្រាប់អ្នកកាសែតក្រោយជំនួបទល់ក្រុមតួកគី។
 

មុនជំនួបមកដល់ Barcelona កំពុងតែជួបបញ្ហាកីឡាសំខាន់២រូបរួមមានដូចជាខ្សែការពារស្លាប Sergino Dest និង Gerard Pique ដែលសុទ្ធសឹងតែរងរបួសអំឡុងការប្រកួតនៅតួកគីរួចមក៕