ជាតិ
វីដេអូ
SDP ផ្ដល់ពន្លឺជីវិតដល់យុវជន យុវតី ពីររូបនៅក្រចេះ
× ភ្នំពេញ៖ កម្មវិធីអភិវឌ្ឍន៍ជំនាញឬហៅកាត់ថា SDP បានជួយដល់យុវជន ដែលជួបការលំបាកនៅខេត្តគោលដៅចំនួន៥គឺ ខេត្តព្រះវិហារ ស្ទឹងត្រែង ក្រចេះ មណ្ឌលគិរី និងរតនគីរី ឱ្យមានជំនាញបច្ចេកទេស ជំនាញទន់ និងជំនាញសហគ្រិនភាព។ ក្នុងចំណោមយុវជនគោលដៅទាំង ៥ខេត្ត កញ្ញា ឌឿក ដាណេ និង លោក ឆាន រតនា បានទទួលបានជោគជ័យ ក្រោយបញ្ចប់ការសិក្សាវគ្គខ្លីលើជំនាញឆុងកាហ្វេ និងបរិក្ខាត្រជាក់ នៅវិទ្យាស្ថានជាតិសហគ្រិនភាព និងនវានុវត្តន៍។ តាមរយៈកម្មវិធីអភិវឌ្ឍន៍ជំនាញ ហៅកាត់ថា (SDP) បានជួយឱ្យយុវជនមកពីខេត្តក្រចេះពីររូបនេះ ទទួលបានជំនាញច្បាស់លាស់ និងការងារ ជាមួយនឹងប្រាក់ខែសមរម្យ។
ដើម្បីជ្រាបច្បាស់សូមអញ្ជើញលោកអ្នកទស្សនាវីដេអូខាងក្រោមដូចតទៅ៖
កម្មវិធីអភិវឌ្ឍន៍ជំនាញ (SDP) គឺជាគម្រោងរបស់ទីភ្នាក់ងារស្វីសសម្រាប់ការអភិវឌ្ឍ និងកិច្ចសហប្រតិបត្តិការ (SDC)។ កម្មវិធី SDP ដំណាក់កាលទី២ (២០២០ - ២០២៤) ត្រូវបានអនុវត្តដោយ ស្វីសខន់ថាក់ (Swisscontact) និងសម្ព័នជាមួយ INBAS ដោយសហការជាមួយក្រសួងការងារ និងបណ្តុះបណ្តាលវិជ្ជាជីវៈ និងក្រសួងទេសចរណ៍។ កម្មវិធីអនុវត្តសកម្មភាពដោយមានកិច្ចសហការ យ៉ាងជិតស្និទជាមួយរដ្ឋបាលទាំងថ្នាក់ជាតិ និងថ្នាក់ក្រោមជាតិ ទីភ្នាក់ងារជាតិមុខរបរ និងការងារ គ្រឹះស្ថានផ្តល់សេវាបណ្តុះបណ្តាលទាំងរដ្ឋ និងឯកជន ក៏ដូចជាក្រុមហ៊ុន និងសហគ្រាសធុនតូចក្នុងវិស័យ បដិសណ្ឋារកិច្ច និងវិស័យផ្សេងទៀត៕
© រក្សាសិទ្ធិដោយ thmeythmey.com