ជាតិ
×![]()
ដោយ: ប៉ូ សាគុន
ភ្នំពេញ៖ លោក ញាណ ភឿន រដ្ឋលេខាធិការក្រសួងធម្មការ និងសាសនា បានបញ្ជាក់ថា ម្ដាយឪពុកមាននាមរហូតដល់ទៅ៩ ព្រោះតែគុណរបស់លោកទាំងពីរមានចំពោះកូនៗ។ លោកថា មានរឿងជាច្រើនដែលកូនៗអាចតបគុណ ដល់អ្នកមានគុណវិញ។
លោក ញាណ ភឿន រដ្ឋលេខាធិការក្រសួងធម្មការ និងសាសនា បានសំណូមពរដល់គ្រប់កូនចៅទាំងអស់ ថ្វាយបង្គំមាតាបិតាដែលជាព្រះរបស់ខ្លួន នៅពេលធ្វើដំណើរទៅដល់ផ្ទះ ដើម្បីជួបជុំក្រុមគ្រួសារ ក្នុងឱកាសពិធីបុណ្យចូលឆ្នាំប្រពៃណីជាតិ។ លោក ញាណ ភឿន បន្ថែមថា ការរួបរួមសាមគ្គីគ្នា និងការស្រុះស្រួលគ្នារវាងបងនិងប្អូន ក៏ទុកជាការគោរពស្រឡាញ់ និងតបគុណទៅម្ដាយឪពុកវិញដែរ។
ដើម្បីជ្រាបច្បាស់ ពីនាមទាំង៩របស់មាតាបិតា ថាមានអ្វីខ្លះ តទៅនេះ សូមអស់លោក លោកស្រី អញ្ជើញទស្សនាវីដេអូខាងក្រោមដូចតទៅ៖
បន្ថែមពីនោះ ក្នុងឱកាសពិធីបុណ្យប្រពៃណីជាតិនេះ រដ្ឋលេខាធិការក្រសួងធម្មការ និងសាសនា លោក ញាណ ភឿន ក៏បាន ស្នើដល់ពុទ្ធបរិស័ទ ពិសេសយុវជន កុំនាំស្រាស្រវឹងចូលវត្ត។
«បើមានស្រាចូលខ្លួន នឹងមានការប្រហែស នាំឱ្យមានកើតរឿងផ្សេងៗ។ ព្រះពុទ្ធព្រះអង្គបានសម្ដែងថា សេចក្ដីមិនធ្វេសប្រហែស ជាផ្លូវមិនស្លាប់។ ពេលធ្វើដំណើរតាមផ្លូវ កុំជែង ត្រូវធ្វើដំណើរឱ្យមានការប្រុងប្រយ័ត្ន។ បំណងចេញទៅ ដើម្បីទៅជួបម្ដាយឪពុកនៅផ្ទះ ដូច្នេះធ្វើយ៉ាងណាឱ្យទៅដល់ ឱ្យមានសេចក្ដីសុខក្នុងគ្រួសារ។ ពេលមកវិញ ឱ្យមកដល់កន្លែងធ្វើការវិញ៕
Tag:
វប្បធម៌
ចូលឆ្នាំ
មង្គល
អ្នកមានគុណ
© រក្សាសិទ្ធិដោយ thmeythmey.com
«ប្រេសិត»មានន័យដូចម្តេច?
7 ថ្ងៃ
