រយៈពេលពីរថ្ងៃនៃពិធីបុណ្យចូលឆ្នាំខ្មែរ នៅទូទាំងប្រទេសមានភ្ញៀវទេសចរដើរកម្សាន្តជាង ២លាន៤៤ម៉ឺននាក់។

 

ក្រសួងទេសចរណ៍បានចេញរបាយការណ៍ឲ្យដឹងថា ភ្ញៀវទេសចរជាតិមានច្រើនលើសលុបជាងភ្ញៀវអន្តរជាតិនាពិធីបុណ្យចូលឆ្នាំខ្មែរ។ អ្នកដើរកម្សាន្តទូទាំងប្រទេស ក្នុងរយៈពេលថ្ងៃនេះ មានជាង២លាននាក់ ក្នុងនោះមានភ្ញៀវជាតិ១,៥លាននាក់ ចំណែក ភ្ញៀវអន្តរជាតិមានជាង៩៧០០នាក់ ។ 

 

ជាមួយគ្នាដែរ ក្រសួងក៏បញ្ជាក់ឲ្យដឹងថា ក្នុងទីមួយនៃពិធីបុណ្យចូលឆ្នាំថ្មី គឺមានអ្នកដើរកម្សាន្តជាតិនិងអន្តរជាតិជាង៨៦ម៉ឺននាក់។ រីឯ ថ្ងៃទីពីរវិញ មានភ្ញៀវជាតិ និងអន្តរជាតិជាង១លាន៥៧ម៉ឺននាក់។ ចំនួនកើនឡើងនៃថ្ងៃទី១និងថ្ងៃទី២ បើធៀបគ្នាទៅ គឺកើនជាង៨០ភាគរយ។ 

 

គោលដៅដែលភ្ញៀវទេសចរណ៍ដើរកម្សាន្តច្រើនជាងគេ មាននៅខេត្តបាត់ដំបងគឺមានជាង២៤ម៉ឺននាក់ ព្រៃវែង១៥ម៉ឺននាក់ បន្ទាយមានជ័យ១៣ម៉ឺននាក់ កំពង់ចាម១២ម៉ឺននាក់ ពោធិ៍សាត់១២ម៉ឺននាក់ កំពត១០ម៉ឹននាក់ សៀមរាប១០ម៉ឺននាក់ ហើយកំពង់ស្ពឺ១០ម៉ឺននាក់ផងដែរ។ 

 

ពលរដ្ឋដែលដើរកម្សាន្ត ភាគច្រើនបានសប្បាយជាមួយការបាញ់ទឹកលេងកម្សាន្ត ចាក់ភ្លេង និងរាំលេងកម្សាន្ត រួមជាមួយការលេងល្បែងប្រជាប្រិយជាដើម៕