ខ្សែប្រយុទ្ធសញ្ជាតិព័រទុយហ្គាល បានក្លាយជាកីឡាករដំបូងគេក្នុងពិភពលោកដែលធ្វើបានកំណត់ត្រារកបាន ​Hat-tricks ដល់ទៅ៦០ដង (៥០ដងសម្រាប់អាជីពលេងឱ្យក្លិប) ត្រឹមវ័យ ៣៧ឆ្នាំ។ 
 

នេះជាការធ្វើបាន Hat-tricks លើកទីបីសម្រាប់អាជីពនៅក្រុមបិសាចក្រហម ដោយពីរលើកនៅឆ្នាំ ២០០៨ និង ២០២២ ហើយនៅក្លិបសេះបង្កង់ Juventus បីលើកដូចគ្នា។ ចំណែក ៤៤ លើកផ្សេងទៀតគឺនៅក្លិប Real Madrid ដែលជាទីកន្លែងដែលជួយឱ្យ​ Ronaldo ឈ្នះពានរង្វាន់ Ballon d’Or ៥លើក និង Champions League លើកតី៥ក្នុងអាជីព។
 

លើសពីនេះទៅទៀត ៣គ្រាប់ជ័យជម្នះលើក្រុម Norwich City ក៏ជាគ្រាប់បាល់ទី៩៩ សម្រាប់អាជីពនៅ Premier League ដោយក្នុងរដូវកាលនេះ Ronaldo រកបាន២១គ្រាប់រាល់គ្រប់ការប្រកួតក្នុងរដូវកាលនេះ។
 

អំឡុងលេងនៅ Real Madrid ម្ចាស់ពានរង្វាន់ Ballon d’Or ៥ សម័យធ្វើបាន Hat-tricks ចំនួន៣៤ដងនៅ La Liga ៧ដងនៅ Champions League ២ដងនៅ Copa del Rey និង១ដងនៅ FIFA Club World Cup។ កាលនៅក្លិប Juventus ២លើកធ្វើបានក្នុងក្របខណ្ឌ Serie A និង១ដង ក្នុង Champions League៕