កីឡាជាតិ
ជាតិ
កីឡាករជប៉ុន Masa ដែលមានបទពិសោធន៍នៅច្រើនប្រទេសចូលរួមជាមួយណាហ្គាខប
កីឡាករជប៉ុន Masa (កណ្តាល) ចូលលេងក្នុងការប្រកួតមិត្តភាពទាំងពីររបស់ណាហ្គាខបនៅប្រទេសថៃ។ រូបថត But Bunsak/NagaCorp
×![]()
កម្ពុជាក្លាយជាប្រទេសទី៩ របស់ខ្សែបម្រើប្រយុទ្ធជនជាតិជប៉ុន Masashiro Fukasawa ក្នុងការប្រកបអាជីពជាកីឡាករបាល់ទាត់ បន្ទាប់ពីរូបគេ បានចុះកិច្ចសន្យារយៈពេល១០ខែ ជាមួយក្លិបណាហ្គាខប សម្រាប់យុទ្ធនាការក្របខណ្ឌមិត្តហ្វូនខេមបូឌានលីកនារដូវកាលខាងមុខ។
យោងតាមគណនីហ្វេសប៊ុកផ្លូវការរបស់ក្លិបណាហ្គាខប ការពិភាក្សាស្តីពីកិច្ចសន្យាបានត្រូវរ៉ូវគ្នាកាលពីថ្ងៃទី១៤ ខែមករា ឆ្នាំ២០១៤ ហើយកីឡាករដែលមានឈ្មោះហៅក្រៅថា «Masa» រូបនេះ នឹងមកកាន់រាជធានីភ្នំពេញនាសប្តាហ៍ក្រោយ។
Masa វ័យ៣៦ឆ្នាំ គឺជាកីឡាករបរទេសម្នាក់ក្នុងចំណោម៤នាក់ ដែលណាហ្គាខបដាក់ឲ្យចូលលេងនាការប្រកួតមិត្តភាពរបស់ពួកគេចំនួនពីរប្រកួតនៅក្នុងប្រទេសថៃ កាលពីសប្តាហ៍មុន។ កីឡាករផ្សេងទៀតដែលស្ថិតក្រោមក្រសែភ្នែករបស់ក្រុមគ្រូបង្វឹកណាហ្គាខប មានកីឡាករកូរ៉េខាងត្បូងពីររូប និងហ្គីណេមួយរូប។
សមាសភាពរបស់ Masa ត្រូវបានណែនាំដោយលោក Therdsak Chaiman អតីតកីឡាករជម្រើសជាតិថៃ និងបច្ចុប្បន្ន មានតួនាទីជាកីឡាករផង គ្រូជំនួយផង នៃក្លិប Chonburi FC ក្នុងក្របខណ្ឌ Thai Premier League។ Masa និង Therdsak ធ្លាប់លេងជាមួយគ្នានៅក្នុងក្លិប Singapore Armed Forces FC នៃក្របខណ្ឌ S.League។ ដោយឡែក Therdsak គឺជាមិត្តភក្តិដ៏ជិតស្និទ្ធម្នាក់របស់លោក Yeo Wee Han ថ្នាក់ដឹកនាំក្លិបណាហ្គាខប។
Masa រៀនជំនាញបាល់ទាត់នៅសាលា Shinzuoka Gakuen High School ហើយបានលេងក្លិបសាលារបស់ខ្លួនពីឆ្នាំ១៩៩៣ ដល់១៩៩៥ មុននឹងក្លាយជាកីឡាករបាល់ទាត់អាជីពម្នាក់។
កីឡាករដែលមានកម្ពស់ ១,៧៤ម៉ែត្រ រូបនេះ បានលេងឲ្យក្លិប Yokohama F.Marinos ក្នុងក្របខណ្ឌកំពូល J.League Division 1 ពីឆ្នាំ១៩៩៦ ដល់ឆ្នាំ២០០០ ។ ក្នុងចន្លោះពេលនោះ រូបគេត្រូវបានខ្ចីជើងទៅកាន់ក្លិប Club Atletico River Plate នៅក្នុងប្រទេសអាហ្សង់ទីនសម្រាប់រយៈពេល១ឆ្នាំ (១៩៩៦) និងក្លិប CD Tenerife របស់អេស្ប៉ាញសម្រាប់រយៈ៦ខែ (១៩៩៩)។
Masashiro Fukasawa បានវិលត្រឡប់ទៅកាន់ប្រទេសជប៉ុនវិញ ដោយបានចំណាយពេល៤រដូវកាល (២០០០-២០០៤) ជាមួយក្លិប Albirex Niigata នៃក្របខណ្ឌ J.League Division 2 ដោយជួយឲ្យក្លិបនេះលើកពាន។ បន្ទាប់មកគេបានចំណាយពេញមួយរដូវកាល (២០០៥) នៅក្នុងក្លិប Montreal Impact របស់កាណាដា ដែលលេងក្នុងក្របខណ្ឌ United Soccer Leagues First Division របស់សហរដ្ឋអាមេរិក។
នៅឆ្នាំ២០០៧ Masa បានផ្ទេរទៅលេងឲ្យក្លិប Bangkok University FC នៃក្របខណ្ឌ Thai Premier League ហើយបានក្លាយជាកីឡាករជប៉ុនទីមួយដែលបានចូលលេងក្នុងការដណ្តើមពានរង្វាន់ AFC Champions League សម្រាប់ក្លិបដែលមិនមានមូលដ្ឋាននៅជប៉ុន។
រដូវកាលឆ្នាំ២០០៨-២០០៩ Masa ទទួលជោគជ័យយ៉ាងធំធេងជាមួយក្លិប Singapore Armed Forces FC (បច្ចុប្បន្ន Warriors F.C.) តាមរយៈការឈ្នះពាន S.League របស់សិង្ហបុរី២លើក និងពាន Singapore Cup ក្នុងឆ្នាំ២០០៨ ខណៈរូបគេបានក្លាយជាកីឡាករឆ្នើមប្រចាំរបស់ក្លិប។
នៅឆ្នាំ២០១០ គេបានត្រឡប់ទៅកាន់ក្លិបចាស់របស់ខ្លួនវិញនៅក្នុងប្រទេសថៃ ដែលត្រូវបានប្តូរឈ្មោះទៅជា Bangkok United។ ឆ្នាំ២០១១ គេលេងឲ្យក្លិប Fourway Rangers (បច្ចុប្បន្នក្លិប Yokohama FC Hong Kong) ដែលក្នុងក្របខណ្ឌកំពូលហុងកុង Hong Kong First Division League។
កាលពីឆ្នាំ២០១២ កីឡាកររូបនេះ បានទៅលេងឲ្យក្លិប Bontang FC នៃក្របខណ្ឌ Indonesian Premier League។ ប៉ុន្តែសម្រាប់រយៈពេលចុងក្រោយនេះ Masa មិនសូវមានឱកាសបានចូលលេងឡើយព្រោះតែការញាំញីដោយសារបញ្ហារបួស។
ដូច្នេះប្រទេសកម្ពុជានឹងក្លាយជាប្រទេសទី៩របស់ Masashiro Fukasawa ហៅ Masa សម្រាប់ការប្រកបអាជីពជាកីឡាករបាល់ទាត់ បន្ទាប់ពីជប៉ុន អាហ្សង់ទីន (ខ្ចីជើង) អេស្ប៉ាញ (ខ្ចីជើង) ថៃ កាណាដា/សហរដ្ឋអាមេរិក (USL First Division) សិង្ហបុរី ហុងកុង និងឥណ្ឌូនេស៊ី៕
យោងតាមគណនីហ្វេសប៊ុកផ្លូវការរបស់ក្លិបណាហ្គាខប ការពិភាក្សាស្តីពីកិច្ចសន្យាបានត្រូវរ៉ូវគ្នាកាលពីថ្ងៃទី១៤ ខែមករា ឆ្នាំ២០១៤ ហើយកីឡាករដែលមានឈ្មោះហៅក្រៅថា «Masa» រូបនេះ នឹងមកកាន់រាជធានីភ្នំពេញនាសប្តាហ៍ក្រោយ។
Masa វ័យ៣៦ឆ្នាំ គឺជាកីឡាករបរទេសម្នាក់ក្នុងចំណោម៤នាក់ ដែលណាហ្គាខបដាក់ឲ្យចូលលេងនាការប្រកួតមិត្តភាពរបស់ពួកគេចំនួនពីរប្រកួតនៅក្នុងប្រទេសថៃ កាលពីសប្តាហ៍មុន។ កីឡាករផ្សេងទៀតដែលស្ថិតក្រោមក្រសែភ្នែករបស់ក្រុមគ្រូបង្វឹកណាហ្គាខប មានកីឡាករកូរ៉េខាងត្បូងពីររូប និងហ្គីណេមួយរូប។
សមាសភាពរបស់ Masa ត្រូវបានណែនាំដោយលោក Therdsak Chaiman អតីតកីឡាករជម្រើសជាតិថៃ និងបច្ចុប្បន្ន មានតួនាទីជាកីឡាករផង គ្រូជំនួយផង នៃក្លិប Chonburi FC ក្នុងក្របខណ្ឌ Thai Premier League។ Masa និង Therdsak ធ្លាប់លេងជាមួយគ្នានៅក្នុងក្លិប Singapore Armed Forces FC នៃក្របខណ្ឌ S.League។ ដោយឡែក Therdsak គឺជាមិត្តភក្តិដ៏ជិតស្និទ្ធម្នាក់របស់លោក Yeo Wee Han ថ្នាក់ដឹកនាំក្លិបណាហ្គាខប។
Masa រៀនជំនាញបាល់ទាត់នៅសាលា Shinzuoka Gakuen High School ហើយបានលេងក្លិបសាលារបស់ខ្លួនពីឆ្នាំ១៩៩៣ ដល់១៩៩៥ មុននឹងក្លាយជាកីឡាករបាល់ទាត់អាជីពម្នាក់។
កីឡាករដែលមានកម្ពស់ ១,៧៤ម៉ែត្រ រូបនេះ បានលេងឲ្យក្លិប Yokohama F.Marinos ក្នុងក្របខណ្ឌកំពូល J.League Division 1 ពីឆ្នាំ១៩៩៦ ដល់ឆ្នាំ២០០០ ។ ក្នុងចន្លោះពេលនោះ រូបគេត្រូវបានខ្ចីជើងទៅកាន់ក្លិប Club Atletico River Plate នៅក្នុងប្រទេសអាហ្សង់ទីនសម្រាប់រយៈពេល១ឆ្នាំ (១៩៩៦) និងក្លិប CD Tenerife របស់អេស្ប៉ាញសម្រាប់រយៈ៦ខែ (១៩៩៩)។
Masashiro Fukasawa បានវិលត្រឡប់ទៅកាន់ប្រទេសជប៉ុនវិញ ដោយបានចំណាយពេល៤រដូវកាល (២០០០-២០០៤) ជាមួយក្លិប Albirex Niigata នៃក្របខណ្ឌ J.League Division 2 ដោយជួយឲ្យក្លិបនេះលើកពាន។ បន្ទាប់មកគេបានចំណាយពេញមួយរដូវកាល (២០០៥) នៅក្នុងក្លិប Montreal Impact របស់កាណាដា ដែលលេងក្នុងក្របខណ្ឌ United Soccer Leagues First Division របស់សហរដ្ឋអាមេរិក។
នៅឆ្នាំ២០០៧ Masa បានផ្ទេរទៅលេងឲ្យក្លិប Bangkok University FC នៃក្របខណ្ឌ Thai Premier League ហើយបានក្លាយជាកីឡាករជប៉ុនទីមួយដែលបានចូលលេងក្នុងការដណ្តើមពានរង្វាន់ AFC Champions League សម្រាប់ក្លិបដែលមិនមានមូលដ្ឋាននៅជប៉ុន។
រដូវកាលឆ្នាំ២០០៨-២០០៩ Masa ទទួលជោគជ័យយ៉ាងធំធេងជាមួយក្លិប Singapore Armed Forces FC (បច្ចុប្បន្ន Warriors F.C.) តាមរយៈការឈ្នះពាន S.League របស់សិង្ហបុរី២លើក និងពាន Singapore Cup ក្នុងឆ្នាំ២០០៨ ខណៈរូបគេបានក្លាយជាកីឡាករឆ្នើមប្រចាំរបស់ក្លិប។
នៅឆ្នាំ២០១០ គេបានត្រឡប់ទៅកាន់ក្លិបចាស់របស់ខ្លួនវិញនៅក្នុងប្រទេសថៃ ដែលត្រូវបានប្តូរឈ្មោះទៅជា Bangkok United។ ឆ្នាំ២០១១ គេលេងឲ្យក្លិប Fourway Rangers (បច្ចុប្បន្នក្លិប Yokohama FC Hong Kong) ដែលក្នុងក្របខណ្ឌកំពូលហុងកុង Hong Kong First Division League។
កាលពីឆ្នាំ២០១២ កីឡាកររូបនេះ បានទៅលេងឲ្យក្លិប Bontang FC នៃក្របខណ្ឌ Indonesian Premier League។ ប៉ុន្តែសម្រាប់រយៈពេលចុងក្រោយនេះ Masa មិនសូវមានឱកាសបានចូលលេងឡើយព្រោះតែការញាំញីដោយសារបញ្ហារបួស។
ដូច្នេះប្រទេសកម្ពុជានឹងក្លាយជាប្រទេសទី៩របស់ Masashiro Fukasawa ហៅ Masa សម្រាប់ការប្រកបអាជីពជាកីឡាករបាល់ទាត់ បន្ទាប់ពីជប៉ុន អាហ្សង់ទីន (ខ្ចីជើង) អេស្ប៉ាញ (ខ្ចីជើង) ថៃ កាណាដា/សហរដ្ឋអាមេរិក (USL First Division) សិង្ហបុរី ហុងកុង និងឥណ្ឌូនេស៊ី៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
