ជារៀងរាល់ឆ្នាំ ក្រសួងអប់រំ តែងរៀបចំការប្រឡងសិស្សពូកែទូទាំងប្រទេស ដើម្បីលើកកម្ពស់គុណភាពអប់រំ តាមរយៈការអភិវឌ្ឍធនធានមនុស្ស ដែលមានចំណេះដឹង។ ការប្រឡងនេះ ក៏លើកកម្ពស់ជំនាញប្រកបដោយសមត្ថភាពខ្ពស់ សំដៅអភិវឌ្ឍសេដ្ឋកិច្ច ក៏ដូចជាកសាងសង្គមជាតិ ឱ្យបានរឹងមាំ។ 
 

ពិធីបើកការប្រឡង នឹងប្រព្រឹត្តិទៅនៅថ្ងៃទី១២ ខែមិថុនា នាវេលាម៉ោង៨ព្រឹក។ ឯពិធីបិទ និងចែកវិញ្ញាបនបត្រ និងរង្វាន់ជ័យលាភី នឹងប្រព្រឹត្តទៅនៅថ្ងៃទី១៩ ខែមិថុនា ឆ្នាំ២០២២ នាវេលាម៉ោង ៨:ព្រឹក។ 
 

ជាមួយគ្នានេះ ក្រសួងអប់រំ បានអំពាវនាវ ដល់សាធារណជន ឲ្យជួយឧបត្ថម្ភជាថវិកា សម្ភារៈ សម្រាប់ជារង្វាន់ និងការលើកទឹកចិត្តបន្ថែម ដល់ម្ចាស់ជ័យលាភីសិស្សពូកែទូទាំងប្រទេស ដើម្បីជំរុញចលនានេះ ឱ្យកាន់តែមានប្រសិទ្ធភាពខ្ពស់ នៅឆ្នាំបន្ទាប់៕