គម្រោង​ផ្លូវ​នាវាចរណ៍ និង​ប្រព័ន្ធ​ភ័ស្តុភារ​កម្ម​ទន្លេបាសាក់ នឹងធ្វើឱ្យប្រសើរឡើងនូវ ការដឹកជញ្ជូនតាមផ្លូវទឹក និងភស្តុភារកម្ម។ នេះបើយោងតាមក្រសួងសាធារណការនិងជញ្ជូន ដែលបានស្រង់សម្តីរបស់ លោក ស៊ុន ចាន់ថុល មកចុះផ្សាយ ដោយបញ្ជាក់ថា គម្រោងនេះក៏ធ្វើឱ្យប្រសើរឡើងនូវបណ្តាញផ្លូវទឹករបស់កម្ពុជាឱ្យមានការតភ្ជាប់គ្នា ដោយរលូន និងផ្ដល់ផលប្រយោជន៍ដល់សេដ្ឋកិច្ចជាតិ ជួយជំរុញឱ្យមានការដឹកជញ្ជូនតាមផ្លូវទឹកច្រើនជាងការដឹកជញ្ជូនតាមផ្លូវគោក ផងដែរ។  

រដ្ឋមន្ត្រីក្រសួងសាធារណការរូបនេះ រៀបរាប់ថា កម្ពុជាសម្បូរទៅដោយបណ្ដាញផ្លូវទឹកទន្លេ ដូចជា ទន្លេមេគង្គ បឹងទន្លេសាប ទន្លេបាសាក់ ទន្លេសេកុង ទន្លេសេសាន ទន្លេស្រែពក ប៉ុន្តែ កម្ពុជាមិនទាន់បានទាញយកសក្កានុពលដ៏ធំធេងនៃធនធានធម្មជាតិទាំងអស់នោះមកប្រើប្រាស់ឱ្យបានក្នុងកម្រិតអតិបរមានៅឡើយទេ។ ដូច្នេះ គម្រោងផ្លូវនាវាចរណ៍ និងប្រព័ន្ធភស្តុភាកម្មទន្លេ បាសាក់នេះ លោក ស៊ុន ចាន់ថុល សង្ឃឹមថាវានឹងធ្វើឱ្យការដឹកជញ្ជូនតាមផ្លូវទឹករបស់កម្ពុជាមានការផ្លាស់ប្ដូរជាវិជ្ជមាន។

 

បើតាមលោក ស៊ុន ចាន់ថុល គម្រោងត្រូវបញ្ចប់សិក្សាដោយ​ក្រុមហ៊ុន​សាជីវកម្ម​ស្ពាន​ថ្នល់​ចិន​ រួមជាមួយក្រុមហ៊ុន CCCC Transportation Consultants៕