ជាកិរិយាសព្ទ «សន្និស័ទ» មានន័យថា អង្គុយស៊ប់; អង្គុយនៅស្ងៀម; អង្គុយប្រជុំគ្នា រីឯនាមសព្ទ​វិញ គឺ​សំដៅ​លើ​ការអង្គុយនៅស្ងៀម; ដំណើរស្ងាត់ច្រៀប។ ពាក្យកាព្ប៖ ពួកជនច្រើនក្ដាត់ មកសន្និស័ទ នៅក្នុងសាលា នៃវត្តព្រះសង្ឃ ផ្ចង់ចិត្តជ្រះថ្លា តាមដោយសទ្ធា ព្រមគ្នាធ្វើទាន ។

 

តាមពិតទៅ «សន្និស័ទ» ក៏មានន័យ​មុន​ខុសពី «សន្និសីទ» នោះដែរ ប៉ុន្តែ​សព្វថ្ងៃ ខ្មែរយើងប្រើពាក្យ «សន្និសីទ» សំដៅយកការប្រជុំគ្នាជជែកពិភាក្សាអំពីបញ្ហាផ្សេងៗ ដែលឋិតនៅក្នុងសភាពស្មុគស្មាញ មិនទាន់ដាច់ស្រេច ដើម្បីរិះរកផ្លូវចេញឬដោះស្រាយឲ្យជ្រះស្រឡះ; ការថ្លែងសេចក្ដីពន្យល់អំពីបញ្ហាផ្សេងៗដល់សាធារណជន។

 

ធ្វើសន្និសីទ, ស្ដាប់សន្និសីទ ចំណែកពាក្យជាភាសាបារាំង គឺ Conférence។