ពីនេះ ពីនោះ
×![]()
ដោយ: សារព័ត៌មានថ្មីៗ
«ពន្លិច» និង «បន្លិច» សុទ្ធតែមានន័យរៀងៗ ដែលយើងមិនត្រូវសរសេរឡូកឡំគ្នានោះឡើយ ពីព្រោះពាក្យទាំងពីរ មានន័យផ្ទុយគ្នា។ នេះបើតាមការពន្យល់ក្នុងវចនានុក្រម ខ្មែរសម្តេចព្រះសង្ឃរាជ ជួន ណាត។
«ពន្លិច» មានន័យថា ធ្វើឲ្យលិច, ជ្រមុជឲ្យលិចចុះទៅក្នុងទឹក។ ពន្លិចទឹក ។ ពាក្យប្រៀបធៀប៖ ធ្វើឲ្យហិនហោច, ឲ្យវិនាស ដូចគេពន្លិចអ្វីៗទៅក្នុងទឹក ។ ពន្លិចពន្លង់ បង្ហិនបំផ្លាញឲ្យវិនាសដូចគេពន្លិចពន្លង់ក្នុងទឹក ។
«បន្លិច» មានន័យថា ធ្វើឲ្យលេចមក។ បន្លិចគ្រាប់ខ្នុរ; បន្លិចសម្ដី ។ និយាយពាក្យនេះ មានន័យដូចពាក្យ «បញ្ចេញ»។ តែបើជានាមសព្ទ «បន្ទិច» សំដៅលើ មាត់ព្រែកឬមាត់ស្ទឹងដែលចេញទៅចួបនឹងទន្លេឬបឹង ៕
Tag:
ពន្យល់ពាក្យ
© រក្សាសិទ្ធិដោយ thmeythmey.com
«គូលី»មានន័យច្បាស់លាស់ដូចម្តេច?
1 សប្តាហ៍
