បើតាមក្រសួងអប់រំ យុវជន និងកីឡា ការផ្តល់ពានរង្វាន់នេះធ្វើឡើង នាថ្ងៃទី៣ នៃមហាសន្និបាតបូកសរុបលទ្ធផលការងារអប់រំ យុវជន និងកីឡា ឆ្នាំសិក្សា២០២០-២០២១។  ការផ្តល់ជូននេះ គឺក្រោមវត្តមាន រដ្ឋមន្ត្រីក្រសួងអប់រំ លោក ហង់ ជួន ណារ៉ុន។ 
 

ស្ថិតក្នុងពិធីចែកពានរង្វាន់ និងលើកទិសដៅឆ្នាំសិក្សា២០២១-២០២២ លោក ហង់ ជួន ណារ៉ុន លើកឡើងថា នាយកសាលាល្អ និងគ្រូបង្រៀនល្អ  គឺជាកត្តាគន្លឹះសំខាន់ក្នុងគោលដៅលើកកម្ពស់ការអប់រំ។ 
 

រដ្ឋមន្ត្រីរូបនេះបានបន្ថែមថា៖ «ការគ្រប់គ្រងធនធានមនុស្ស គឺស្ថិតក្រោមសមាសភាពចំនួន៣ គឺ ការពង្រឹងសមត្ថភាព ការបណ្តុះបណ្តាលគ្រូ ​និងអភិវឌ្ឍសមត្ថភាពជាប្រចាំ។ រួមទាំងការលើកទឹកចិត្ត ការដំឡើងប្រាក់បៀវត្ស និងការអនុវត្តអាជីព។»
 

សូមបញ្ជាក់ថា ក្រៅពីពានរង្វាន់ គ្រូបង្រៀនល្អ និងនាយកសាលាល្អ ចំនួន១៨រូប ក៏មានសាលារៀនស្អាតចំនួន៥ ទទួលបានពានរង្វាន់សាលាស្អាតផងដែរ៕