កីឡាជាតិ
ជាតិ
Tampines Rovers ជាក្រុមទីមួយនៃក្របខណ្ឌ S.League ដែលមកប្រកួតមិត្តភាពនៅកម្ពុជា
×![]()
ដោយ: រួបរួម
Tampines Rovers បានក្លាយជាក្រុមកំពូលទីមួយក្នុងក្របខណ្ឌ S.League ដែលមកប្រកួតមិត្តភាពនៅក្នុងប្រទេសកម្ពុជា ដោយពួកគេត្រូវប៉ះជាមួយស្វាយរៀងនៅថ្ងៃសុក្រ និងណាហ្គាខបនៅថ្ងៃអាទិត្យ។ ក្រុមដែលមានរហស្សនាមថា «រមាំង» មួយនេះ ប្រើប្រាស់ការប្រកួតមិត្តភាពដើម្បីត្រៀមខ្លួនសម្រាប់ការប្រកួតជម្រុះវគ្គ Playoff នៃយុទ្ធនាការ AFC Champions League ជាមួយក្រុម South China របស់ហុងកុង ខណៈស្វាយរៀង និងណាហ្គាខប ត្រូវខ្លួនសម្រាប់យុទ្ធនាការពានរង្វាន់សម្តេច ហ៊ុន សែន និងក្របខណ្ឌមិត្តហ្វូនខេមបូឌានលីក។
Tampines Rovers ទើបតែរក្សាតំណែងជើងឯកបីឆ្នាំជាប់ៗគ្នានៅក្នុងក្របខណ្ឌ S.League ដែលជាការគ្រប់គ្រងពានលើកទី៥របស់ខ្លួនក្នុងក្របខណ្ឌកំពូលរបស់សិង្ហបុរី។ Tampines ស្ថិតក្រោមការដឹកនាំបង្វឹករបស់លោក Salim Moin ដោយមានកីឡាករ៤ជាតិសាសន៍ផ្សេងៗគ្នា រួមមានសិង្ហបុរី ជប៉ុន ស៊ែប៊ី និងប៉ារ៉ាហ្គាយ។ កីឡាករមួយចំនួនត្រូវបានផ្តល់សញ្ជាតិសិង្ហបុរី ដូចជា កីឡាករដើមកំណើតស៊ែប៊ី Alexandar Duric និងប្រធានក្រុម Fahrudin Mustafic។
នៅក្នុងសន្និសីទសារព័ត៌មានដែលត្រូវបានរៀបចំឡើងនៅសណ្ឋាគារណាហ្គាវើល កាលពីរសៀលថ្ងៃព្រហស្បតិ៍ ទី១៦ ខែមករា លោក Salim Moin បានបញ្ជាក់ថា នេះជាការប្រកួតមិត្តភាពលើកទីបួនរបស់ Tampines នៅមុនការប្រកួត Playoff ពានរង្វាន់ AFC Championship ជាមួយក្លិបហុងកុង South China នាខែកុម្ភៈ ខាងមុខ។
គ្រូបង្វឹកវ័យ៥២ឆ្នាំរូបនេះ បានអះអាង នេះក៏ជាការប្រកួតមិត្តភាពដើម្បីពង្រឹងទំនាក់ទំនងជាមួយក្លិបនានានៅក្នុងប្រទេសកម្ពុជាផងដែរ។ លោកបានបញ្ជាក់ថា៖ «យើងមានការរីករាយដែលត្រូវបានអញ្ជើញមកកាន់ប្រទេសកម្ពុជាជាលើកដំបូង ដូច្នេះក្រៅពីការប្រកួតយកឈ្នះចាញ់ យើងក៏អាចបង្កើនទំនាក់ទំនងជាមួយបាល់ទាត់កម្ពុជាផងដែរ»។
លោក ប្រាក់ សុវណ្ណារ៉ា គ្រូបង្វឹកបណ្តោះអាសន្នក្លិបណាហ្គាខប និងតំណាងរបស់ក្លិបស្វាយរៀង សុទ្ធតែបានអះអាងថា ក្រុមរបស់ពួកលោកនឹងទទួលបានបទពិសោធន៍ច្រើនពីម្ចាស់ជើងឯក S.League របស់សិង្ហបុរី នៅមុនយុទ្ធនាការពានរង្វាន់សម្តេច ហ៊ុន សែន និងក្របខណ្ឌមិត្តហ្វូនខេមបូឌានលីក។
ជំនួបរវាង Tampines Rovers និងស្វាយរៀងដែលជាម្ចាស់ជើងឯកក្របខណ្ឌមិត្តហ្វូនខេមបូឌានលីក ត្រូវប្រព្រឹត្តទៅនៅថ្ងៃសុក្រ ទី១៧ ខែមករា នាវេលាម៉ោង៣:៣០ នៅពហុកីឡដ្ឋានជាតិ។ ណាហ្គាខប ម្ចាស់ការពារតំណែងជើងឯកពានរង្វាន់សម្តេច ហ៊ុន សែន ត្រូវស្វាគមន៍ជើងឯកលីកសិង្ហបុរី នាវេលាម៉ោង៤ ថ្ងៃអាទិត្យ ទី១៩ ខែមករា។
លោក Jerome អនុប្រធានគ្រប់គ្រងព្រឹត្តិការណ៍របស់សណ្ឋាគារណាហ្គាវើល បានបញ្ជាក់ឲ្យថា ក្រុមដែលឈ្នះក្នុងការប្រកួតនាថ្ងៃអាទិត្យនឹងទទួលបានពានរង្វាន់មិត្តភាព «NagaWorld Cup Trophy» ហើយការប្រកួតនេះ ក៏នឹងមានការផ្សាយបន្តផ្ទាល់តាមរយៈកញ្ចក់ទូរទស្សន៍អប្សរាផងដែរ។
លោក គល់ សុផាន់ណា អគ្គលេខាធិការសហព័ន្ធកីឡាបាល់ទាត់កម្ពុជា បានវាយតម្លៃថា នេះជាការបោះជំហានទៅមុខមួយទៀតនៃវិស័យបាល់ទាត់នៅកម្ពុជា ដែលក្លិបនៅក្នុងស្រុកមានឱកាសរៀបចំការប្រកួតមិត្តភាពជាមួយក្លិបកំពូលនៅក្នុងតំបន់។ លោកបានអំពាវនាវដល់ក្រុមអ្នកគាំទ្រឲ្យចូលរួមទស្សនាដើម្បីលើកទឹកចិត្តដល់កីឡាករ៕
លោក Jerome Lee កាន់ពានរង្វាន់មិត្តភាព NagaWorld Cup Trophy ដែលក្លិបណាហ្គាខប និង Tampines Rovers ត្រូវប្រជែងគ្នាយកនៅថ្ងៃអាទិត្យ
Tampines Rovers ទើបតែរក្សាតំណែងជើងឯកបីឆ្នាំជាប់ៗគ្នានៅក្នុងក្របខណ្ឌ S.League ដែលជាការគ្រប់គ្រងពានលើកទី៥របស់ខ្លួនក្នុងក្របខណ្ឌកំពូលរបស់សិង្ហបុរី។ Tampines ស្ថិតក្រោមការដឹកនាំបង្វឹករបស់លោក Salim Moin ដោយមានកីឡាករ៤ជាតិសាសន៍ផ្សេងៗគ្នា រួមមានសិង្ហបុរី ជប៉ុន ស៊ែប៊ី និងប៉ារ៉ាហ្គាយ។ កីឡាករមួយចំនួនត្រូវបានផ្តល់សញ្ជាតិសិង្ហបុរី ដូចជា កីឡាករដើមកំណើតស៊ែប៊ី Alexandar Duric និងប្រធានក្រុម Fahrudin Mustafic។
នៅក្នុងសន្និសីទសារព័ត៌មានដែលត្រូវបានរៀបចំឡើងនៅសណ្ឋាគារណាហ្គាវើល កាលពីរសៀលថ្ងៃព្រហស្បតិ៍ ទី១៦ ខែមករា លោក Salim Moin បានបញ្ជាក់ថា នេះជាការប្រកួតមិត្តភាពលើកទីបួនរបស់ Tampines នៅមុនការប្រកួត Playoff ពានរង្វាន់ AFC Championship ជាមួយក្លិបហុងកុង South China នាខែកុម្ភៈ ខាងមុខ។
គ្រូបង្វឹកវ័យ៥២ឆ្នាំរូបនេះ បានអះអាង នេះក៏ជាការប្រកួតមិត្តភាពដើម្បីពង្រឹងទំនាក់ទំនងជាមួយក្លិបនានានៅក្នុងប្រទេសកម្ពុជាផងដែរ។ លោកបានបញ្ជាក់ថា៖ «យើងមានការរីករាយដែលត្រូវបានអញ្ជើញមកកាន់ប្រទេសកម្ពុជាជាលើកដំបូង ដូច្នេះក្រៅពីការប្រកួតយកឈ្នះចាញ់ យើងក៏អាចបង្កើនទំនាក់ទំនងជាមួយបាល់ទាត់កម្ពុជាផងដែរ»។
លោក ប្រាក់ សុវណ្ណារ៉ា គ្រូបង្វឹកបណ្តោះអាសន្នក្លិបណាហ្គាខប និងតំណាងរបស់ក្លិបស្វាយរៀង សុទ្ធតែបានអះអាងថា ក្រុមរបស់ពួកលោកនឹងទទួលបានបទពិសោធន៍ច្រើនពីម្ចាស់ជើងឯក S.League របស់សិង្ហបុរី នៅមុនយុទ្ធនាការពានរង្វាន់សម្តេច ហ៊ុន សែន និងក្របខណ្ឌមិត្តហ្វូនខេមបូឌានលីក។
ជំនួបរវាង Tampines Rovers និងស្វាយរៀងដែលជាម្ចាស់ជើងឯកក្របខណ្ឌមិត្តហ្វូនខេមបូឌានលីក ត្រូវប្រព្រឹត្តទៅនៅថ្ងៃសុក្រ ទី១៧ ខែមករា នាវេលាម៉ោង៣:៣០ នៅពហុកីឡដ្ឋានជាតិ។ ណាហ្គាខប ម្ចាស់ការពារតំណែងជើងឯកពានរង្វាន់សម្តេច ហ៊ុន សែន ត្រូវស្វាគមន៍ជើងឯកលីកសិង្ហបុរី នាវេលាម៉ោង៤ ថ្ងៃអាទិត្យ ទី១៩ ខែមករា។
លោក Jerome អនុប្រធានគ្រប់គ្រងព្រឹត្តិការណ៍របស់សណ្ឋាគារណាហ្គាវើល បានបញ្ជាក់ឲ្យថា ក្រុមដែលឈ្នះក្នុងការប្រកួតនាថ្ងៃអាទិត្យនឹងទទួលបានពានរង្វាន់មិត្តភាព «NagaWorld Cup Trophy» ហើយការប្រកួតនេះ ក៏នឹងមានការផ្សាយបន្តផ្ទាល់តាមរយៈកញ្ចក់ទូរទស្សន៍អប្សរាផងដែរ។
លោក គល់ សុផាន់ណា អគ្គលេខាធិការសហព័ន្ធកីឡាបាល់ទាត់កម្ពុជា បានវាយតម្លៃថា នេះជាការបោះជំហានទៅមុខមួយទៀតនៃវិស័យបាល់ទាត់នៅកម្ពុជា ដែលក្លិបនៅក្នុងស្រុកមានឱកាសរៀបចំការប្រកួតមិត្តភាពជាមួយក្លិបកំពូលនៅក្នុងតំបន់។ លោកបានអំពាវនាវដល់ក្រុមអ្នកគាំទ្រឲ្យចូលរួមទស្សនាដើម្បីលើកទឹកចិត្តដល់កីឡាករ៕
លោក Jerome Lee កាន់ពានរង្វាន់មិត្តភាព NagaWorld Cup Trophy ដែលក្លិបណាហ្គាខប និង Tampines Rovers ត្រូវប្រជែងគ្នាយកនៅថ្ងៃអាទិត្យ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
