កម្ពុជា-ឡាវ បង្ហាញឆន្ទៈធ្វើឲ្យព្រំដែន មានសន្តិភាព សាមគ្គីភាព និង ការអភិវឌ្ឍ

ជាតិ

ព្រំដែន

កម្ពុជា-ឡាវ បង្ហាញឆន្ទៈធ្វើឲ្យព្រំដែន មានសន្តិភាព សាមគ្គីភាព និង ការអភិវឌ្ឍ

03, May 2022 , 7:59 pm

រូបភាព

ជំនួបថ្នាក់ដឹកនាំនៃគណៈកម្មាធិការព្រំដែនកម្ពុជា-ឡាវ តាមប្រព័ន្ធវីដេអូ កាលពីថ្ងៃទី២ ខែឧសភា ឆ្នាំ២០២២។ រូបពីក្រសួងការពារជាតិកម្ពុជា

ដោយ៖ ទេពញាណ

កម្ពុជា-ឡាវ បង្ហាញឆន្ទៈរួមគ្នា ធ្វើឲ្យព្រំដែនប្រទេសទាំង២ មានសន្តិភាព មិត្តភាព សាមគ្គីភាព កិច្ចសហការ និង ការអភិវឌ្ឍ។ ការបង្ហាញឆន្ទៈនេះ ធ្វើឡើងក្នុងជំនួប រវាងលោកនាយឧត្តមសេនីយ៍ ឥត សារ៉ាត់ ប្រធានគណៈកម្មាធិការកិច្ចសហប្រតិបត្តិការរក្សាសន្តិសុខរបៀបរៀបរយតាមបណ្ដោយព្រំដែនកម្ពុជា-ឡាវ និងលោកឧត្តមសេនីយ៍ត្រី វ៉ាន់ថន ប៊ុតតាក់វង្ស ប្រធានគណៈកម្មាធិការកិច្ចសហប្រតិបត្តិការសន្តិសុខរបៀបរៀបរយតាមបណ្ដោយព្រំដែនឡាវ-កម្ពុជា តាមប្រព័ន្ធវីដេអូ កាលពីថ្ងៃទី២ ខែឧសភា ឆ្នាំ២០២២។

បន្ថែមពីនេះ ភាគីទាំង២ លើកឡើងថា ត្រូវរួមគ្នាទប់ស្កាត់រាល់សកម្មភាព ដែលបំផ្លាញសន្តិភាព ហើយត្រូវដោះស្រាយករណីដែលកើតឡើង ដោយសន្តិវិធី និងតាមគោលការណ៍នៃការគោរពអធិបតេយ្យភាពគ្នាទៅវិញទៅមក។ ភាគីទាំង២ នៅបានសម្រេចរួមគ្នាទៀតថា ត្រូវជំរុញទំនាក់ទំនងរវាងកងទ័ពប្រទេសទាំង២ ក្នុងស្មារតីមិត្តភាព សាមគ្គីភាព ភាពជាបងប្អូន ភាពជាអ្នកជិតខាងល្អ តាមរយៈការបង្កើតឲ្យមានការលេងកីឡា និងសិល្បៈកម្សាន្តទៅវិញទៅមក។

លោកនាយឧត្តមសេនីយ៍ ឥត សារ៉ាត់ ចាត់ទុកកិច្ចប្រជុំនេះថា មានសារសំខាន់ខ្លាំង ដែលភាគីទាំង២ អាចពង្រឹងកិច្ចសហប្រតិបត្តិការក្នុងការថែរក្សាសន្តិសុខ របៀបរៀបរយតាមបណ្ដោយព្រំដែនឲ្យកាន់តែល្អ៕