លោក មាស វីរិទ្ធ និង អ្នកស្រី លីលី សាង បានជួបពិភាក្សាគ្នា នៅព្រឹកថ្ងៃទី៣ ខែឧសភា ឆ្នាំ២០២២នេះ។ បើតាម AKP អ្នកស្រី លីលី សាង បានសម្តែងក្តីរីករាយ ចំពោះកិច្ចសហការល្អរវាងអាជ្ញាធរជាតិប្រយុទ្ធប្រឆាំងគ្រឿងញៀនរបស់កម្ពុជា ជាមួយការិយាល័យ​អង្គការ​សហប្រជាជាតិ​ស្តីពី​ឧក្រិដ្ឋកម្ម និង​គ្រឿងញៀន (UNODC) ក្នុង​ការអនុវត្តផែនការប្រយុទ្ធប្រឆាំងគ្រឿងញៀន ដែលផែនការអនុតំបន់ទី១១ (SAP11​)។ 

 

នៅចំពោះមុខអ្នកស្រី លីលី សាង លោក មាស វីរិទ្ធ បានសំណូមពរដល់ UNODC ឲ្យពិនិត្យសកម្មភាពនានា ដែលមិនទាន់ត្រូវបានសម្រេចបាន ក្នុងផែនការអនុតំបន់ទី១១ ​(SAP11​) ហើយដាក់ចូលទៅក្នុងផែនការអនុតំបន់ទី១២​ ​(SAP12​) ដើម្បីឲ្យប្រទេសទាំង៦នៃមហាអនុតំបន់ទន្លេមេគង្គ រួមគ្នាបន្តសកម្មភាពប្រកបដោយប្រសិទ្ធភាព។ លោក បន្ថែមថា កម្ពុជា ស្វាគមន៍ចំពោះគំនិតផ្តួចផ្តើមរៀបចំផែនការប្រយុទ្ធប្រឆាំងគ្រឿងញៀនអនុតំបន់ទី១២៕