ពីនេះ ពីនោះ
ចើក, រហើររហាយ, អាស ជាពាក្យមិនល្អដែលនិយាយចំពោះស្ត្រី
× វចនានុក្រមខ្មែរសម្តេចព្រះសង្ឃរាជ ជួន ណាត មានពន្យល់សទិសន័យជុំវិញការប្រើប្រាស់ពាក្យមិនល្អដែលច្រើននិយាយចំពោះតែស្ត្រី។ ពាក្យទាំងនោះ រួមមាន ចើក, រហើររហាយ និង អាស ជាដើម។
«ចើក» មានន័យថា ដែលមានចិត្តរហើររហាយ (ស្ដ្រី)។ ស្រីចើក ។ វចនានុក្រម តម្រូវឲ្យមើលពាក្យ «អាស» បន្ថែម។ ដូចគ្នាផងដែរ «អាស» មានន័យថា ដែលឥតបើគិតពីកេរ្តិ៍ខ្មាស, ដែលមានចិត្តនិងឫកពា-រហើ-រហាយឥតអៀនខ្មាស។ ស្រីអាស។
បញ្ចោរលើកអាស ឬ ជេរលើកអាស ជេរបញ្ចោរចំអាសចំអូងរំលើកបើកកកាយតាមតែរួចពីមាត់ ។ អាសតាងខ្ទើយ (ពាក្យប្រៀបធៀប) ទទួលរ៉ាប់រងជួយឈ្លោះប្រកែកឬជជែកវែកដៃ ដោយខុសមុខខុសទំនង (ដូចជាស្រីអាសទទួលភារៈជាជំនួសខ្ទើយ); និយាយថា ចើកតាងខ្ទើយ ក៏បាន។
រីឯពាក្យ «រហើររហាយ» ក៏មានន័យដូចគ្នាដែរ គឺ ដែលច្រាស់ច្រាល់ដោយកម្លាំងកាមគុណ, ដែលមានសេចក្ដីស្រលាញ់ប្រតិព័ទ្ធរើរុះរវើរវាយហើរពីអ្នកនេះទៅរកអ្នកនោះពីអ្នកនោះទៅរកអ្នកឯណោះ មិនតាំងនៅយូរ ( ច្រើននិយាយចំពោះតែស្ត្រី ឬចិត្តរបស់ស្ត្រី )។ ស្រីរហើររហាយ ; ចិត្តរហើររហាយ ៕
© រក្សាសិទ្ធិដោយ thmeythmey.com