កីឡាជាតិ
ជាតិ
ណាហ្គាខបបង្ហាញមុខកីឡាករកូរ៉េខាងត្បូងពីរនាក់បន្ថែមទៀត កីឡាករកូរ៉េខាងត្បួងពីររូប ថតជាមួយលោកគ្រូបង្វឹក ប្រាក់ សុវណ្ណារ៉ា
× ឆ្លងកាត់ការធ្វើតេស្តិ៍កន្លងមកនាដំណើរប្រកួតមិត្តភាពរបស់ខ្លួននៅក្នុងប្រទេសថៃ ក្លិបណាហ្គាខប បានចុះកិច្ចសន្យាជាផ្លូវកាលពីថ្ងៃទី១៦ ខែមករា ឆ្នាំ២០១៣ ជាមួយកីឡាករកូរ៉េខាងត្បូងចំនួនពីរនាក់ គឺខ្សែប្រយុទ្ធ Kim Sang Min អាយុ២៤ឆ្នាំ និងខ្សែបម្រើ Jang In Yong អាយុ២២ឆ្នាំ សម្រាប់ការប្រកួតក្របខណ្ឌមិត្តហ្វូនខេមបូឌានលីកនារដូវកាលនេះ។
កីឡាករ Sang Min ដែលមានកម្ពស់១,៩១ម៉ែត្រ ធ្លាប់បានលេងឲ្យក្លិប GangNeung City F.C នៅក្នុងប្រទេសរបស់ខ្លួន រីឯកីឡាករ In Yong កម្ពស់១,៧៧ម៉ែត្រ ធ្លាប់បានលេងឲ្យក្លិប Corinthians Paulista U-18 (ប្រេស៊ីល), Hangzhou Greentown F.C U-20 (ចិន), A.P.I.A Leichhardt Tigers F.C U-20(អូស្ត្រាលី) និងក្លិប Rein Meer F.C (ជប៉ុន)។
កីឡាករពីររូបនេះ ត្រូវបានចុះហត្ថលេខាបន្ទាប់ពីកីឡាករជប៉ុន Masashiro Fukasawa (ហៅថាកាត់ថា Masa) ដោយពួកគេសុទ្ធតែបានចូលរួមលេងជាមួយណាហ្គាខបនាដំណើរការប្រកួតមិត្តភាពកន្លងមកនៅប្រទេសថៃ៕
© រក្សាសិទ្ធិដោយ thmeythmey.com