កីឡាជាតិ
ជាតិ
វេស្ទើនខំប្រឹងបង្ហាញថា ខ្លួនពិតជាសក្តិសមក្នុងការលេងនៅក្របខណ្ឌកំពូល
×![]()
«ការមានឈ្មោះដើម្បីលេងក្នុងលីក មិនមែនបានមកដោយងាយស្រួលនោះឡើយ គឺយើងបានចំណាយពេលវេលាគិត និងពិចារណាយ៉ាងច្រើន»។ នេះជាការអះអាងរបស់លោក ឡៃ សុធា ប្រធានក្លិបសាកលវិទ្យាល័យវេស្ទើន ដែលត្រូវបានសហព័ន្ធកីឡាបាល់ទាត់កម្ពុជាសម្រេចបញ្ចូលជាសមាជិកទី១២ នៃក្របខណ្ឌមិត្តហ្វូនខេមបូឌានលីករដូវកាល២០១៤។
បកស្រាយនៅក្នុងសន្និសីទសារព័ត៌មានដែលត្រូវបានរៀបចំឡើងកាលពីព្រឹកថ្ងៃសៅរ៍ ទី១៨ ខែមករា នៅសាកលវិទ្យាល័យវេស្ទើន ទីតាំងក្បែរផ្សារអូឡាំពិក លោក ឡៃ សុធា បានលើកពីហេតុផលមួយចំនួនដែលនាំឲ្យក្លិបរបស់លោកទទួលបានភ្លើងខៀវពីសហព័ន្ធកីឡាបាល់ទាត់កម្ពុជាសម្រាប់ការបង្ហាញខ្លួននៅក្នុងលីក។
(លោក ឡៃ សុធា ប្រធានក្លិបសាកលវិទ្យាវេស្ទើន)
លោកបានបញ្ជាក់ថា៖ «មានការលើកឡើងមួយចំនួនដែលថា យើងមិនមានលក្ខខណ្ឌគ្រប់គ្រាន់ដើម្បីលេងក្នុងលីក ប៉ុន្តែយើងនៅតែខិតខំប្រឹងប្រែងដើម្បីបង្ហាញពីឆន្ទះរបស់យើងក្នុងការចូលរួមអភិវឌ្ឍវិស័យកីឡាបាល់ទាត់នៅកម្ពុជា។ ពិតណាស់យើងជាក្រុមសំណាង ប៉ុន្តែយើងមានបច្ចេកទេស ការរៀបចំក្រុម និងស្ថិរភាពរយៈពេលយូរអង្វែង បន្ថែមពីលើនេះ យើងមានមូលធនដើម្បីទ្រទ្រង់»។
លោក មាស សំអឿន ដែលមានបទពិសោធន៍ដឹកនាំក្លិបបៀលប្រាយយូណាយធីតអស់រយៈពេល៥ឆ្នាំកន្លងមក ត្រូវបានតែងតាំងជាគ្រូបង្វឹកថ្មីរបស់ក្រុមសាកលវិទ្យាល័យមួយនេះ ហើយក្រុមការងាររបស់លោកមានដូចជា លោក ឈឹម ចាន់ថារិទ្ធិ លោក គឹម ទី ជាដើម។
គោលដៅរបស់វេស្ទើនសម្រាប់ការបង្ហាញខ្លួនជាថ្មីនៅក្នុងលីក (ធ្លាប់មានវត្តមានម្តងរួចទៅហើយកាលពីឆ្នាំ២០១១) គឺការប្រឹងប្រែងឲ្យបានដើម្បីរក្សាខ្លួននៅក្របខណ្ឌកំពូល។ លោក ឡៃ សុធា បានលើកឡើងថា៖ «ពិតណាស់ គ្រប់ក្រុមទាំងអស់សុទ្ធតែចង់បានតំណែងជើងឯក ប៉ុន្តែអ្វីដែលជាជំហានរបស់ពួកយើង គឺការរក្សាខ្លួននៅក្នុងក្របខណ្ឌកំពូល»។ ដោយឡែក សម្រាប់យុទ្ធនាការដណ្តើមពានរង្វាន់សម្តេច ហ៊ុន សែន ត្រូវបានលោក មាស សំអឿន សន្យាថា នឹងនាំក្លិបឲ្យឈានចូលដល់វគ្គ៤ក្រុមចុងក្រោយ។
នៅក្នុងសន្និសីទសារព័ត៌មាន វេស្ទើនក៏បង្ហាញផងដែរនៅវត្តមានកីឡាករបរទេសបីរូបដែលក្នុងនោះមាន ខ្សែប្រយុទ្ធនីហ្សេរីយ៉ា David Njoku ខ្សែការពារកណ្តាលនីហ្សេរីយ៉ា Isa Kolax និងខ្សែបម្រើកាមេរ៉ូន Privat Mbarga។
លោក ឡៃ សុធា បានបញ្ជាក់ថា ក្រុមគ្រូបង្វឹក និងកីឡាករបរទេសមានកិច្ចសន្យារយៈពេល១ឆ្នាំជាមួយក្លិប ខណៈកីឡាករខ្មែរដែលភាគច្រើនជានិស្សិតរបស់សាកលវិទ្យាល័យមានកិច្ចសន្យារយៈពេល៤ឆ្នាំ។ អ្នកអស់សុទ្ធតែទទួលបានបណ្ណសមាជិកពីសាកលវិទ្យាល័យវេស្ទើនផ្ទាល់។
ទាក់ទងនឹងបញ្ហាកំណត់លទ្ធផល ការភ្នាល់គ្រាប់បាល់ ត្រូវបានប្រធានក្លិបវេស្ទើនអះអាងថា នឹងមិនកើតមានឡើយ។ លោកបានបញ្ជាក់ថា៖ «ក្លិបយើងស្ថិតក្នុងវិស័យអប់រំ ដូច្នេះយើងប្រឆាំងដាច់ខាតចំពោះការជួញដូរ ឬភ្នាល់គ្រាប់បាល់។ បើអ្នកសារព័ត៌មានដឹង និងមានភស្តុតាងច្បាស់លាស់ទាក់ទងនឹងកីឡាករវេស្ទើនដែលប្រព្រឹត្តអំពើទាំងនោះ យើងខ្ញុំនឹងជូនរង្វាន់ចាប់ពី១០០ដុល្លារឡើងទៅ។ កីឡាករដែលប្រព្រឹត្តនឹងត្រូវរងការពិន័យធ្ងន់ធ្ងរ។
វេស្ទើនក៏មានគម្រោងផងដែររៀបចំឲ្យមានការប្រកួតជាមួយក្លិបលំដាប់សាកលវិទ្យាល័យនៅប្រទេសកូរ៉េខាងត្បូង និងឥណ្ឌូនេស៊ី ជាដើម។ ចំពោះគម្រោងរៀបចំឲ្យមានការប្រកួត Home/Away វេស្ទើនកំពុងពិភាក្សា និងពិចារណាលើទីតាំងចំនួនបីដើម្បីធ្វើជាទឹកដីរបស់ខ្លួន។
លោក ឡៃ សុធា បានបញ្ជាក់ថា៖ «ជាជម្រើសទីមួយ យើងចង់ចែករំលែកស្តាតចាស់ជាមួយក្រុមក្រសួងការពារជាតិ ហើយយើងជឿជាក់៧០ភាគរយថា នឹងទទួលបានការអនុញ្ញាត។ ប៉ុន្តែបើជម្រើសនេះ បរាជ័យ យើងនឹងបង្វែទៅកាន់ខេត្តកំពង់ឆ្នាំង ឬក៏ខេត្តពោធិ៍សាត់»៕
លោក មាស សំអឿន ប្រគល់បណ្ណសមាជិកវេស្ទើនដល់កីឡាករ
បកស្រាយនៅក្នុងសន្និសីទសារព័ត៌មានដែលត្រូវបានរៀបចំឡើងកាលពីព្រឹកថ្ងៃសៅរ៍ ទី១៨ ខែមករា នៅសាកលវិទ្យាល័យវេស្ទើន ទីតាំងក្បែរផ្សារអូឡាំពិក លោក ឡៃ សុធា បានលើកពីហេតុផលមួយចំនួនដែលនាំឲ្យក្លិបរបស់លោកទទួលបានភ្លើងខៀវពីសហព័ន្ធកីឡាបាល់ទាត់កម្ពុជាសម្រាប់ការបង្ហាញខ្លួននៅក្នុងលីក។
(លោក ឡៃ សុធា ប្រធានក្លិបសាកលវិទ្យាវេស្ទើន)
លោកបានបញ្ជាក់ថា៖ «មានការលើកឡើងមួយចំនួនដែលថា យើងមិនមានលក្ខខណ្ឌគ្រប់គ្រាន់ដើម្បីលេងក្នុងលីក ប៉ុន្តែយើងនៅតែខិតខំប្រឹងប្រែងដើម្បីបង្ហាញពីឆន្ទះរបស់យើងក្នុងការចូលរួមអភិវឌ្ឍវិស័យកីឡាបាល់ទាត់នៅកម្ពុជា។ ពិតណាស់យើងជាក្រុមសំណាង ប៉ុន្តែយើងមានបច្ចេកទេស ការរៀបចំក្រុម និងស្ថិរភាពរយៈពេលយូរអង្វែង បន្ថែមពីលើនេះ យើងមានមូលធនដើម្បីទ្រទ្រង់»។
លោក មាស សំអឿន ដែលមានបទពិសោធន៍ដឹកនាំក្លិបបៀលប្រាយយូណាយធីតអស់រយៈពេល៥ឆ្នាំកន្លងមក ត្រូវបានតែងតាំងជាគ្រូបង្វឹកថ្មីរបស់ក្រុមសាកលវិទ្យាល័យមួយនេះ ហើយក្រុមការងាររបស់លោកមានដូចជា លោក ឈឹម ចាន់ថារិទ្ធិ លោក គឹម ទី ជាដើម។
គោលដៅរបស់វេស្ទើនសម្រាប់ការបង្ហាញខ្លួនជាថ្មីនៅក្នុងលីក (ធ្លាប់មានវត្តមានម្តងរួចទៅហើយកាលពីឆ្នាំ២០១១) គឺការប្រឹងប្រែងឲ្យបានដើម្បីរក្សាខ្លួននៅក្របខណ្ឌកំពូល។ លោក ឡៃ សុធា បានលើកឡើងថា៖ «ពិតណាស់ គ្រប់ក្រុមទាំងអស់សុទ្ធតែចង់បានតំណែងជើងឯក ប៉ុន្តែអ្វីដែលជាជំហានរបស់ពួកយើង គឺការរក្សាខ្លួននៅក្នុងក្របខណ្ឌកំពូល»។ ដោយឡែក សម្រាប់យុទ្ធនាការដណ្តើមពានរង្វាន់សម្តេច ហ៊ុន សែន ត្រូវបានលោក មាស សំអឿន សន្យាថា នឹងនាំក្លិបឲ្យឈានចូលដល់វគ្គ៤ក្រុមចុងក្រោយ។
នៅក្នុងសន្និសីទសារព័ត៌មាន វេស្ទើនក៏បង្ហាញផងដែរនៅវត្តមានកីឡាករបរទេសបីរូបដែលក្នុងនោះមាន ខ្សែប្រយុទ្ធនីហ្សេរីយ៉ា David Njoku ខ្សែការពារកណ្តាលនីហ្សេរីយ៉ា Isa Kolax និងខ្សែបម្រើកាមេរ៉ូន Privat Mbarga។
លោក ឡៃ សុធា បានបញ្ជាក់ថា ក្រុមគ្រូបង្វឹក និងកីឡាករបរទេសមានកិច្ចសន្យារយៈពេល១ឆ្នាំជាមួយក្លិប ខណៈកីឡាករខ្មែរដែលភាគច្រើនជានិស្សិតរបស់សាកលវិទ្យាល័យមានកិច្ចសន្យារយៈពេល៤ឆ្នាំ។ អ្នកអស់សុទ្ធតែទទួលបានបណ្ណសមាជិកពីសាកលវិទ្យាល័យវេស្ទើនផ្ទាល់។
ទាក់ទងនឹងបញ្ហាកំណត់លទ្ធផល ការភ្នាល់គ្រាប់បាល់ ត្រូវបានប្រធានក្លិបវេស្ទើនអះអាងថា នឹងមិនកើតមានឡើយ។ លោកបានបញ្ជាក់ថា៖ «ក្លិបយើងស្ថិតក្នុងវិស័យអប់រំ ដូច្នេះយើងប្រឆាំងដាច់ខាតចំពោះការជួញដូរ ឬភ្នាល់គ្រាប់បាល់។ បើអ្នកសារព័ត៌មានដឹង និងមានភស្តុតាងច្បាស់លាស់ទាក់ទងនឹងកីឡាករវេស្ទើនដែលប្រព្រឹត្តអំពើទាំងនោះ យើងខ្ញុំនឹងជូនរង្វាន់ចាប់ពី១០០ដុល្លារឡើងទៅ។ កីឡាករដែលប្រព្រឹត្តនឹងត្រូវរងការពិន័យធ្ងន់ធ្ងរ។
វេស្ទើនក៏មានគម្រោងផងដែររៀបចំឲ្យមានការប្រកួតជាមួយក្លិបលំដាប់សាកលវិទ្យាល័យនៅប្រទេសកូរ៉េខាងត្បូង និងឥណ្ឌូនេស៊ី ជាដើម។ ចំពោះគម្រោងរៀបចំឲ្យមានការប្រកួត Home/Away វេស្ទើនកំពុងពិភាក្សា និងពិចារណាលើទីតាំងចំនួនបីដើម្បីធ្វើជាទឹកដីរបស់ខ្លួន។
លោក ឡៃ សុធា បានបញ្ជាក់ថា៖ «ជាជម្រើសទីមួយ យើងចង់ចែករំលែកស្តាតចាស់ជាមួយក្រុមក្រសួងការពារជាតិ ហើយយើងជឿជាក់៧០ភាគរយថា នឹងទទួលបានការអនុញ្ញាត។ ប៉ុន្តែបើជម្រើសនេះ បរាជ័យ យើងនឹងបង្វែទៅកាន់ខេត្តកំពង់ឆ្នាំង ឬក៏ខេត្តពោធិ៍សាត់»៕
លោក មាស សំអឿន ប្រគល់បណ្ណសមាជិកវេស្ទើនដល់កីឡាករ
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 1 សប្តាហ៍
