កីឡាជាតិ
ជាតិ
បទយកការណ៍ / បទសម្ភាសន៍
កីឡាករ Fahrundin បានផ្តល់បទសម្ភាសដល់គេហទំព័រថ្មីៗ
×![]()
ដោយ: ថ្មីៗ
ក្រុម Tampines Rovers ម្ចាស់ជើង៥ជំនាន់នៃក្របខណ្ឌកំពូលសិង្ហបុរី S.League ត្រូវប្រកួតដើម្បីពានរង្វាន់មិត្តភាព NagaWorld Cup ជាមួយក្លិបណាហ្គាខប នាវេលាម៉ោង៤រសៀលថ្ងៃទី១៩ ខែមករា ឆ្នាំ២០១៤ នៅពហុកីឡដ្ឋានជាតិ។ កាលពីថ្ងៃសុក្រកន្លងមក ពួកគេបានយកឈ្នះស្វាយរៀង ១-០ ក្នុងការប្រកួតមិត្តភាពកម្តៅសាច់ដុំផងដែរ។
លោក អ៊ឹង ចំរើន អ្នកយកព័ត៌មានគេហទំព័រថ្មីៗ បានធ្វើបទសម្ភាសមួយជាមួយប្រធានក្រុម Tampines Rovers គឺខ្សែបម្រើ Fahrundin Mustafic ដើមកំណើតស៊ែប៊ី (អតីតយូហ្គោស្លាវី) ដែលត្រូវបានផ្តល់សញ្ជាតិសិង្ហបុរី និងចូលបម្រើក្នុងក្រុមជម្រើសជាតិចាប់ពីឆ្នាំ២០០៦មក។ កីឡាករវ័យ៣២ឆ្នាំរូបនេះ បានចូលលេងឲ្យ Tampines Rovers ចាប់ពីឆ្នាំ២០០២ មក ហើយធ្លាប់ត្រូវបានខ្ចីជើងពេញមួយឆ្នាំនៅក្លិប Hougang United FC នៃក្របខណ្ឌ S.League ដូចគ្នា។ មុននឹងត្រឡប់ទៅកាន់ Tampines វិញនៅឆ្នាំ២០១១ Fahrundin បានចំណាយពេលពីររដូវកាលនៅក្នុងក្របខណ្ឌ Indonesia Super League របស់ឥណ្ឌូនេស៊ី ជាមួយក្លិប Persija Jakarta និងក្លិប Persela Lamongan។
លោក អ៊ឹង ចំរើន៖ តើលោកមានការកត់សម្គាល់អ្វីជាពិសេស ពេលមកដល់កម្ពុជាជាលើកដំបូង?
កីឡាករ Fahrundin៖ កម្ពុជាគឺមានទិដ្ឋភាពដូចជាវៀតណាម ឬថៃ ដែលខ្ញុំធ្លាប់បានទៅដល់យ៉ាងដូច្នេះដែរ។ អ្វីដែលខ្ញុំកត់សម្គាល់ជាពិសេសនោះ គឺនៅទីនេះ មានការទទួលយ៉ាងដិតដល់ មនុស្សម្នារួសរាយរាក់ទាក់។ អ្វីៗទាំងអស់នៅទីនេះពិតជាអស្ចារ្យណាស់។
លោក អ៊ឹង ចំរើន៖ ពីជនបរទេសម្នាក់រហូតដល់ក្លាយជាកីឡាករជម្រើសជាតិសិង្ហបុរី តើលោកមានអារម្មណ៍យ៉ាងណាដែរ?
កីឡាករ Fahrundin៖ នេះជាមោទនភាពខ្លាំងណាស់សម្រាប់ខ្ញុំដែលបានក្លាយជាកីឡាករម្នាក់ក្នុងក្រុម ជម្រើសជាតិសិង្ហបុរី។ ខ្ញុំរីករាយក្នុងការលេងបម្រើឲ្យសិង្ហបុរី។ កាលពីតូច ខ្ញុំធ្លាប់សុបិនថាលេងឲ្យក្រុមជម្រើសជាតិ។ នេះជាក្តីសុបិនក្លាយជាការពិតសម្រាប់ខ្ញុំ។ បេសកកម្មតែមួយគត់របស់ខ្ញុំ គឺត្រូវតែធ្វើឲ្យបានល្អប្រសើរបំផុតសម្រាប់ប្រទេសជាតិ។ និយាយរួមគឺខ្ញុំរីករាយណាស់ដែលបានទទួលសញ្ជាតិសិង្ហបុរី។
លោក អ៊ឹង ចំរើន៖ តើអាកប្បកិរិយារបស់ក្រុមអ្នកគាំទ្រ យ៉ាងម៉េចដែរចំពោះរូបលោក?
កីឡាករ Fahrundin៖ ខ្ញុំទទួលបានការគាំទ្រជានិច្ចពីអ្នកគាំទ្រ ពីព្រោះខ្ញុំទទួលបានសញ្ជាតិសិង្ហបុរី ដូច្នេះពួកយើងគឺជាជនរួមជាតិតែមួយ។ ក្រុមអ្នកគាំទ្រសិង្ហបុរីតែនៅក្រោយចាំលើកទឹកចិត្តកីឡាកររហូត។ ដោយសារពួកគាត់ យើងបានឈ្នះពានរង្វាន់ AFF Suzuki Cup កន្លងមក។ កីឡដ្ឋានពោរពេញទៅដោយមនុស្សនៅពេលដែលយើងប្រកួតផ្តាច់ព្រ័ត្រជើងទីមួយជាមួយជម្រើសជាតិថៃកន្លងមក។
លោក អ៊ឹង ចំរើន៖ តើការផ្តល់សញ្ជាតិដល់កីឡាករបរទេសពិតជាមានសារប្រយោជន៍ដល់ការអភិវឌ្ឍន៍បាល់ទាត់ក្នុងតំបន់អាស៊ីអាគ្នេយ៍មែនទេ?
កីឡាករ Fahrundin៖ ខ្ញុំគិតថា ប្រទេសដូចជាសិង្ហបុរីជាដើម ដែលប្រទេសតូចមួយ មនុស្សមិនច្រើនទេដែលចាប់អារម្មណ៍លើបាល់ទាត់ ដោយពួកគាត់ចាប់អារម្មណ៍ទៅលើការងារផ្សេង។ ដូច្នេះនេះជាដំណើរវិវត្តជាវិជ្ជមានមួយក្នុងផ្តល់សញ្ជាតិដល់កីឡាករបរទេសដែលអាចមានអ្វីលើសពីកីឡាករក្នុងស្រុក។ លោកដឹងស្រាប់ហើយ កីឡាករនៅតំបន់អាស៊ីអាគ្នេយ៍ បញ្ហាដែលប្រឈមបំផុតនោះ គឺកាយសម្បទា ដូច្នេះយើងត្រូវមានតុល្យភាពទាំងកាយសម្បទា និងបច្ចេកទេស។ ខ្ញុំគិតថា កីឡាករបរទេសពិតជារួមចំណែកឲ្យមានតុល្យភាពនៅក្នុងក្រុម។ ខ្ញុំដឹងអ្វីឡើយពីកម្ពុជា ប៉ុន្តែកីឡាករមួយចំនួនដែលបានទទួលសញ្ជាតិសិង្ហបុរីសុទ្ធតែបានរួមចំណែកជាវិជ្ជមានសម្រាប់ក្រុម។
(កីឡាករ Fahrundin ពេលកំពុងហ្វឹកហាត់)
លោក អ៊ឹង ចំរើន៖ តើស្តង់ដារបាល់ទាត់នៅតំបន់អាស៊ីអាគ្នេយ៍នេះ ស្ថិតនៅកម្រិតណា?
កីឡាករ Fahrundin៖ និយាយដោយស្មោះត្រង់ទៅ ខ្ញុំសង្កេតថាឃើញបាល់ទាត់នៅក្នុងតំបន់មានការរីកចម្រើន ជាពិសេសនៅម៉ាឡេស៊ី ឥណ្ឌូនេស៊ី និងថៃ ជាដើម។ កាលពីឆ្នាំមុន ក្លិប Buriram United របស់ថៃ បានឈានរហូតដល់វគ្គ១/៤ផ្តាច់ព្រ័ត្រនៃក្របខណ្ឌ AFC Champions League។ នេះជារឿងដ៏អស្ចារ្យបំផុតដែលបាល់ទាត់ក្នុងតំបន់មានការឈានទៅមុខ។ ឆ្នាំនេះ ខ្ញុំសង្កេតឃើញថា ក្របខណ្ឌបាល់ទាត់ម៉ាឡេស៊ី ឥណ្ឌូនេស៊ី សិង្ហបុរី ក៏កំពុងបោះជំហានផងដែរ។ ខ្ញុំគិតថា វិស័យបាល់នៅតំបន់អាស៊ីអាគ្នេយ៍មិនមានការថយក្រោយឡើយ ជាពិសេសដោយការកម្លាំងចិត្តរបស់ក្រុមអ្នកគាំទ្រដែលមានការផុសផុលកាន់តែខ្លាំង។ គន្លឹះនៃជោគជ័យនោះ គឺការជ្រើសរើសកីឡាករបរទេសដ៏ត្រឹមត្រូវ និងការបណ្តុះបណ្តាលថ្នាលយុវជន ដែលអាចនាំឲ្យក្រុមក្នុងតំបន់អាចមានសមត្ថភាពប្រកួតប្រជែងក្រុមផ្សេងៗនៅក្នុងតំបន់អាស៊ីទាំងមូល។
លោក អ៊ឹង ចំរើន៖ បានន័យថា បាល់ទាត់ក្នុងតំបន់មានការប្រកួតប្រជែងកាន់តែខ្លាំងមែនទេ?
កីឡាករ Fahrundin៖ ពិតណាស់ នាការប្រកួត Suzuki Cup ក្រុមជម្រើសជាតិដូចជាមីយ៉ាន់ម៉ា ឡាវ និងកម្ពុជា ជាដើមនោះ មានរីកចម្រើនយ៉ាងខ្លាំង។ វាពិតជាត្រូវការពេលវេលា ប៉ុន្តែនាពេលខាងមុខ ខ្ញុំជឿជាក់ថា កីឡាករក្នុងតំបន់អាចមានសមត្ថភាពប្រកួតប្រជែងជាមួយក្រុមកីឡាករនៅតំបន់អាស៊ីកណ្តាល ចិន ឬក្រុមខ្លាំងផ្សេងទៀតនៅក្នុងទ្វីប។
លោក អ៊ឹង ចំរើន៖ លោកធ្លាប់បានស៊ុតបាល់បញ្ចូលទីមួយគ្រាប់លើជម្រើសជាតិកម្ពុជានាការប្រកួត Suzuki Cup កាលពីឆ្នាំ២០០៨ ខណៈសិង្ហបុរីឈ្នះកម្ពុជា ៥-០។ តើលោកគិតយ៉ាងម៉េចដែរចំពោះការលេងរបស់កម្ពុជានាពេលនោះ?
កីឡាករ Fahrundin៖ បាទ...ខ្ញុំចាំច្បាស់ណាស់ កាលនោះការប្រកួតបានប្រព្រឹត្តទៅនៅទីក្រុងហ្សាការតា ហើយខ្ញុំបានស៊ុតបាល់ប៉េណាល់ទី។ ខ្ញុំចាំបានថា នៅពេលចាប់ផ្តើម កម្ពុជាលេងបានយ៉ាងល្អ។ ប៉ុន្តែនៅពេលយើងបានស៊ុតបាល់បញ្ចូលទីគ្រាប់ទីមួយ យើងបែរជាមានភាពងាយស្រួលក្នុងការរកគ្រាប់បាល់បន្ថែមទៀត។ ទោះបីជាយ៉ាងណាក៏ដោយ ខ្ញុំសង្កេតឃើញថា ពួកគេមានការប្រឹងប្រែងយ៉ាងខ្លាំង។ ប៉ុន្តែអ្វីដែលយើងមានប្រៀបនោះ គឺផ្នែកកាយសម្បទា ដែលនេះហើយជាគន្លឹះនាំឲ្យយើងទទួលជ័យជម្នះ។
លោក អ៊ឹង ចំរើន៖ តើលោកយល់យ៉ាងណាដែរចំពោះដំណើរមកប្រកួតជាមួយក្លិបស្វាយរៀង និងណាហ្គាខបរបស់កម្ពុជា?
កីឡាករ Fahrundin៖ នេះជាការត្រៀមខ្លួនមួយរបស់យើងសម្រាប់ការប្រកួតវគ្គ Playoff ពានរង្វាន់ AFC Champions League ជាមួយក្លិប South China នាថ្ងៃទី២ ខែកុម្ភៈ។ នេះជាលើកដំបូងរបស់ពួកយើងដែលមកប្រកួតជាមួយក្លិបនៅកម្ពុជា។ ក្លិបនៅកម្ពុជាក៏មិនអន់នោះដែរ ពីព្រោះខ្ញុំបានឃើញពួកគេលេងនៅក្នុងការប្រកួតដណ្តើមពានរង្វាន់ Singapore Cup កន្លងមក។ វាក៏ជាផ្នែកមួយក្នុងការពង្រឹងមិត្តភាពផងដែររវាងក្លិបបាល់ទាត់ និងក្លិបបាល់ទាត់ ប្រទេស និងប្រទេស៕
ពានរង្វាន់មិត្តភាព NagaWorld Cup ដែលណាហ្គាខប និង Tampines Rovers ត្រូវដណ្តើមយក
លោក អ៊ឹង ចំរើន អ្នកយកព័ត៌មានគេហទំព័រថ្មីៗ បានធ្វើបទសម្ភាសមួយជាមួយប្រធានក្រុម Tampines Rovers គឺខ្សែបម្រើ Fahrundin Mustafic ដើមកំណើតស៊ែប៊ី (អតីតយូហ្គោស្លាវី) ដែលត្រូវបានផ្តល់សញ្ជាតិសិង្ហបុរី និងចូលបម្រើក្នុងក្រុមជម្រើសជាតិចាប់ពីឆ្នាំ២០០៦មក។ កីឡាករវ័យ៣២ឆ្នាំរូបនេះ បានចូលលេងឲ្យ Tampines Rovers ចាប់ពីឆ្នាំ២០០២ មក ហើយធ្លាប់ត្រូវបានខ្ចីជើងពេញមួយឆ្នាំនៅក្លិប Hougang United FC នៃក្របខណ្ឌ S.League ដូចគ្នា។ មុននឹងត្រឡប់ទៅកាន់ Tampines វិញនៅឆ្នាំ២០១១ Fahrundin បានចំណាយពេលពីររដូវកាលនៅក្នុងក្របខណ្ឌ Indonesia Super League របស់ឥណ្ឌូនេស៊ី ជាមួយក្លិប Persija Jakarta និងក្លិប Persela Lamongan។
លោក អ៊ឹង ចំរើន៖ តើលោកមានការកត់សម្គាល់អ្វីជាពិសេស ពេលមកដល់កម្ពុជាជាលើកដំបូង?
កីឡាករ Fahrundin៖ កម្ពុជាគឺមានទិដ្ឋភាពដូចជាវៀតណាម ឬថៃ ដែលខ្ញុំធ្លាប់បានទៅដល់យ៉ាងដូច្នេះដែរ។ អ្វីដែលខ្ញុំកត់សម្គាល់ជាពិសេសនោះ គឺនៅទីនេះ មានការទទួលយ៉ាងដិតដល់ មនុស្សម្នារួសរាយរាក់ទាក់។ អ្វីៗទាំងអស់នៅទីនេះពិតជាអស្ចារ្យណាស់។
លោក អ៊ឹង ចំរើន៖ ពីជនបរទេសម្នាក់រហូតដល់ក្លាយជាកីឡាករជម្រើសជាតិសិង្ហបុរី តើលោកមានអារម្មណ៍យ៉ាងណាដែរ?
កីឡាករ Fahrundin៖ នេះជាមោទនភាពខ្លាំងណាស់សម្រាប់ខ្ញុំដែលបានក្លាយជាកីឡាករម្នាក់ក្នុងក្រុម ជម្រើសជាតិសិង្ហបុរី។ ខ្ញុំរីករាយក្នុងការលេងបម្រើឲ្យសិង្ហបុរី។ កាលពីតូច ខ្ញុំធ្លាប់សុបិនថាលេងឲ្យក្រុមជម្រើសជាតិ។ នេះជាក្តីសុបិនក្លាយជាការពិតសម្រាប់ខ្ញុំ។ បេសកកម្មតែមួយគត់របស់ខ្ញុំ គឺត្រូវតែធ្វើឲ្យបានល្អប្រសើរបំផុតសម្រាប់ប្រទេសជាតិ។ និយាយរួមគឺខ្ញុំរីករាយណាស់ដែលបានទទួលសញ្ជាតិសិង្ហបុរី។
លោក អ៊ឹង ចំរើន៖ តើអាកប្បកិរិយារបស់ក្រុមអ្នកគាំទ្រ យ៉ាងម៉េចដែរចំពោះរូបលោក?
កីឡាករ Fahrundin៖ ខ្ញុំទទួលបានការគាំទ្រជានិច្ចពីអ្នកគាំទ្រ ពីព្រោះខ្ញុំទទួលបានសញ្ជាតិសិង្ហបុរី ដូច្នេះពួកយើងគឺជាជនរួមជាតិតែមួយ។ ក្រុមអ្នកគាំទ្រសិង្ហបុរីតែនៅក្រោយចាំលើកទឹកចិត្តកីឡាកររហូត។ ដោយសារពួកគាត់ យើងបានឈ្នះពានរង្វាន់ AFF Suzuki Cup កន្លងមក។ កីឡដ្ឋានពោរពេញទៅដោយមនុស្សនៅពេលដែលយើងប្រកួតផ្តាច់ព្រ័ត្រជើងទីមួយជាមួយជម្រើសជាតិថៃកន្លងមក។
លោក អ៊ឹង ចំរើន៖ តើការផ្តល់សញ្ជាតិដល់កីឡាករបរទេសពិតជាមានសារប្រយោជន៍ដល់ការអភិវឌ្ឍន៍បាល់ទាត់ក្នុងតំបន់អាស៊ីអាគ្នេយ៍មែនទេ?
កីឡាករ Fahrundin៖ ខ្ញុំគិតថា ប្រទេសដូចជាសិង្ហបុរីជាដើម ដែលប្រទេសតូចមួយ មនុស្សមិនច្រើនទេដែលចាប់អារម្មណ៍លើបាល់ទាត់ ដោយពួកគាត់ចាប់អារម្មណ៍ទៅលើការងារផ្សេង។ ដូច្នេះនេះជាដំណើរវិវត្តជាវិជ្ជមានមួយក្នុងផ្តល់សញ្ជាតិដល់កីឡាករបរទេសដែលអាចមានអ្វីលើសពីកីឡាករក្នុងស្រុក។ លោកដឹងស្រាប់ហើយ កីឡាករនៅតំបន់អាស៊ីអាគ្នេយ៍ បញ្ហាដែលប្រឈមបំផុតនោះ គឺកាយសម្បទា ដូច្នេះយើងត្រូវមានតុល្យភាពទាំងកាយសម្បទា និងបច្ចេកទេស។ ខ្ញុំគិតថា កីឡាករបរទេសពិតជារួមចំណែកឲ្យមានតុល្យភាពនៅក្នុងក្រុម។ ខ្ញុំដឹងអ្វីឡើយពីកម្ពុជា ប៉ុន្តែកីឡាករមួយចំនួនដែលបានទទួលសញ្ជាតិសិង្ហបុរីសុទ្ធតែបានរួមចំណែកជាវិជ្ជមានសម្រាប់ក្រុម។
(កីឡាករ Fahrundin ពេលកំពុងហ្វឹកហាត់)
លោក អ៊ឹង ចំរើន៖ តើស្តង់ដារបាល់ទាត់នៅតំបន់អាស៊ីអាគ្នេយ៍នេះ ស្ថិតនៅកម្រិតណា?
កីឡាករ Fahrundin៖ និយាយដោយស្មោះត្រង់ទៅ ខ្ញុំសង្កេតថាឃើញបាល់ទាត់នៅក្នុងតំបន់មានការរីកចម្រើន ជាពិសេសនៅម៉ាឡេស៊ី ឥណ្ឌូនេស៊ី និងថៃ ជាដើម។ កាលពីឆ្នាំមុន ក្លិប Buriram United របស់ថៃ បានឈានរហូតដល់វគ្គ១/៤ផ្តាច់ព្រ័ត្រនៃក្របខណ្ឌ AFC Champions League។ នេះជារឿងដ៏អស្ចារ្យបំផុតដែលបាល់ទាត់ក្នុងតំបន់មានការឈានទៅមុខ។ ឆ្នាំនេះ ខ្ញុំសង្កេតឃើញថា ក្របខណ្ឌបាល់ទាត់ម៉ាឡេស៊ី ឥណ្ឌូនេស៊ី សិង្ហបុរី ក៏កំពុងបោះជំហានផងដែរ។ ខ្ញុំគិតថា វិស័យបាល់នៅតំបន់អាស៊ីអាគ្នេយ៍មិនមានការថយក្រោយឡើយ ជាពិសេសដោយការកម្លាំងចិត្តរបស់ក្រុមអ្នកគាំទ្រដែលមានការផុសផុលកាន់តែខ្លាំង។ គន្លឹះនៃជោគជ័យនោះ គឺការជ្រើសរើសកីឡាករបរទេសដ៏ត្រឹមត្រូវ និងការបណ្តុះបណ្តាលថ្នាលយុវជន ដែលអាចនាំឲ្យក្រុមក្នុងតំបន់អាចមានសមត្ថភាពប្រកួតប្រជែងក្រុមផ្សេងៗនៅក្នុងតំបន់អាស៊ីទាំងមូល។
លោក អ៊ឹង ចំរើន៖ បានន័យថា បាល់ទាត់ក្នុងតំបន់មានការប្រកួតប្រជែងកាន់តែខ្លាំងមែនទេ?
កីឡាករ Fahrundin៖ ពិតណាស់ នាការប្រកួត Suzuki Cup ក្រុមជម្រើសជាតិដូចជាមីយ៉ាន់ម៉ា ឡាវ និងកម្ពុជា ជាដើមនោះ មានរីកចម្រើនយ៉ាងខ្លាំង។ វាពិតជាត្រូវការពេលវេលា ប៉ុន្តែនាពេលខាងមុខ ខ្ញុំជឿជាក់ថា កីឡាករក្នុងតំបន់អាចមានសមត្ថភាពប្រកួតប្រជែងជាមួយក្រុមកីឡាករនៅតំបន់អាស៊ីកណ្តាល ចិន ឬក្រុមខ្លាំងផ្សេងទៀតនៅក្នុងទ្វីប។
លោក អ៊ឹង ចំរើន៖ លោកធ្លាប់បានស៊ុតបាល់បញ្ចូលទីមួយគ្រាប់លើជម្រើសជាតិកម្ពុជានាការប្រកួត Suzuki Cup កាលពីឆ្នាំ២០០៨ ខណៈសិង្ហបុរីឈ្នះកម្ពុជា ៥-០។ តើលោកគិតយ៉ាងម៉េចដែរចំពោះការលេងរបស់កម្ពុជានាពេលនោះ?
កីឡាករ Fahrundin៖ បាទ...ខ្ញុំចាំច្បាស់ណាស់ កាលនោះការប្រកួតបានប្រព្រឹត្តទៅនៅទីក្រុងហ្សាការតា ហើយខ្ញុំបានស៊ុតបាល់ប៉េណាល់ទី។ ខ្ញុំចាំបានថា នៅពេលចាប់ផ្តើម កម្ពុជាលេងបានយ៉ាងល្អ។ ប៉ុន្តែនៅពេលយើងបានស៊ុតបាល់បញ្ចូលទីគ្រាប់ទីមួយ យើងបែរជាមានភាពងាយស្រួលក្នុងការរកគ្រាប់បាល់បន្ថែមទៀត។ ទោះបីជាយ៉ាងណាក៏ដោយ ខ្ញុំសង្កេតឃើញថា ពួកគេមានការប្រឹងប្រែងយ៉ាងខ្លាំង។ ប៉ុន្តែអ្វីដែលយើងមានប្រៀបនោះ គឺផ្នែកកាយសម្បទា ដែលនេះហើយជាគន្លឹះនាំឲ្យយើងទទួលជ័យជម្នះ។
លោក អ៊ឹង ចំរើន៖ តើលោកយល់យ៉ាងណាដែរចំពោះដំណើរមកប្រកួតជាមួយក្លិបស្វាយរៀង និងណាហ្គាខបរបស់កម្ពុជា?
កីឡាករ Fahrundin៖ នេះជាការត្រៀមខ្លួនមួយរបស់យើងសម្រាប់ការប្រកួតវគ្គ Playoff ពានរង្វាន់ AFC Champions League ជាមួយក្លិប South China នាថ្ងៃទី២ ខែកុម្ភៈ។ នេះជាលើកដំបូងរបស់ពួកយើងដែលមកប្រកួតជាមួយក្លិបនៅកម្ពុជា។ ក្លិបនៅកម្ពុជាក៏មិនអន់នោះដែរ ពីព្រោះខ្ញុំបានឃើញពួកគេលេងនៅក្នុងការប្រកួតដណ្តើមពានរង្វាន់ Singapore Cup កន្លងមក។ វាក៏ជាផ្នែកមួយក្នុងការពង្រឹងមិត្តភាពផងដែររវាងក្លិបបាល់ទាត់ និងក្លិបបាល់ទាត់ ប្រទេស និងប្រទេស៕
ពានរង្វាន់មិត្តភាព NagaWorld Cup ដែលណាហ្គាខប និង Tampines Rovers ត្រូវដណ្តើមយក
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 7 ថ្ងៃ
