ដ្បិតមានបំណងចង់លេងឲ្យក្រុមជម្រើជាតិកម្ពុជាក្តី ប៉ុន្តែរូបគេ ក៏ដឹងថាសមត្ថភាពខ្លួននៅមានកម្រិត ។ កីឡាករ ស្វាយ ចាន់រតនៈ បានប្រាប់សារពត៌មានថ្មីៗតាមហ្វេសប៊ុក ថា ៖ «ដូចដែលខ្ញុំបាននិយាយខ្ញុំពីមុនមក ខ្ញុំចង់លេងឲ្យប្រទេសរបស់ខ្ញុំ តែប្រសិនកម្រិតរបស់ខ្ញុំមិនទាន់ដល់កម្រិតស្តង់ដារបស់ក្រុមជម្រើសជាតិទេ ខ្ញុំមិនអាចចូលរួមជាមួយពួកគេបានទេ»។ 
 

ដើម្បីបំពេញក្តីស្រម៉ៃខ្លួន កីឡាករកូនខ្មែរ ដែលកំពុងលេងឲ្យក្លិប Sporting Club Vista Alegre U-19 លីគទី៤ របស់ ព័រទុយហ្កាល់ នេះ បានប្ដេជ្ញាប្រឹងប្រែងហ្វឹកហាត់ និងអភិវឌ្ឍន៍ខ្លួនថែមទៀត សម្រាប់ឱកាសមកលេងឱ្យជម្រើសជាតិ។«អ្វីដែលខ្ញុំអាចធ្វើបានពេលនេះ គឺការប្រឹងប្រែងហ្វឹកហាត់បន្ថែមទៀត ហើយខិតខំរហូតដល់សង្ឃឹមថាថ្ងៃណាមួយខ្ញុំឈានដល់កម្រិតស្តង់ដារ និងកម្រិតពួកគេ»។ នេះជាការបញ្ជាក់របស់ ស្វាយ ចាន់រតនៈ។
 

កីឡាករ ស្វាយ ចាន់រតនៈ បានចេញទៅប្រទេស ព័រទុយហ្កាល់ កាលពីឆ្នាំ២០១៨ ដើម្បីទៅសិក្សា និងហ្វឹកហាត់បាល់ទាត់នៅទីនោះ។
 

ខ្សែបម្រើកណ្ដាលរូបនេះ បានចូលរួមជាមួយក្លិបSporting តាំងពីចុងរដូលកាលមុន នៅឆ្នាំ២០២១ ដោយលេងឲ្យក្រុមកម្រិត U19 SC Vista Alegre។ សម្រាប់រដូវកាលនេះ កីឡាករ ស្វាយ ច័ន្ទរតនៈ ត្រូវតែងតាំងជាប្រធានក្រុម U19 SC Vista Alegre៕