កីឡាអន្តរជាតិ
អន្តរជាតិ
Perisic ផ្ទេរទៅ Spurs ដោយគ្មានតម្លៃខ្លួនដើម្បីជួបជុំជាមួយលោក Conte ម្តងទៀត
× Tottenham Hotspur ថ្ងៃទី៣១ ខែឧសភា ចុះកិច្ចសន្យាជាមួយខ្សែប្រយុទ្ធ Ivan Perisic ក្នុងនាមជាកីឡាករគ្មានតម្លៃខ្លួន បន្ទាបផុតកិច្ចសន្យាជាមួយក្រុម Inter Milan ។
ខ្សែប្រយុទ្ធសញ្ជាតិក្រូអាស៊ី វ័យ៣៣ឆ្នាំ ទទួលបានកិច្ចសន្យាជាមួយក្រុមមាន់ខ្នាយមាសរយៈពេល ២ឆ្នាំ ហើយក៏ជាការជួបជុំគ្នាម្តងទៀតជាមួយលោក Antonio Conte។ លោក Conte និង Perisic ធ្លាប់ធ្វើការជាមួយគ្នានៅក្លិប Inter Milan កាលពីរដូវកាល ២០២០-២១។
នាទីផ្សារដោះដូរកីឡាកររដូវក្តៅនេះ Tottenham Hotspur បានផ្តល់ប្រាក់ដល់លោក Conte ១៥០លានផោន(១៨៨លានដុល្លារ) ក្នុងការនាំយកកីឡាករថ្មីមកកាន់ក្លិបដែលគ្រូបង្វឹកសញ្ជាតិអ៊ីតាលីត្រូវការ។ ខ្សែប្រយុទ្ធវ័យ ៣៣ឆ្នាំ ជាកីឡាករដំបូងដែលលោក Conte នាំមក Spurs។
សែប្រយុទ្ធក្រូអាស៊ីរូបនេ អះអាងថា រូបគេបានជ្រើសរើសក្រុម Spurs ព្រោះជាក្រុមមានកៅអី Champions league រដូវកាលក្រោយ។
«ខ្ញុំបានរង់ចាំហើយមើលការប្រកួតរបស់ Spurs ២ ឬ៣ចុងក្រោយ បន្ទាប់ពីឃើញក្រុមយកជ័យជម្នះលើ Arsenal ពេលនោះហើយជាពេលដែលខ្ញុំជ្រើសរើស Tottenham។ មានកៅអីលេង Champions League ជារឿងដ៏ល្អបំផុតមួយសម្រាប់ខ្ញុំ ខ្ញុំពិតជាសប្បាយចិត្តខ្លាំងណាស់ដែលបានចូលរួមជាមួយ Spurs។»។ Perisic បាននិយាយក្នុងសន្និសីទកាសែតបែបនេះ។
លើសពីនេះ Ivan Perisic ក៏បានអះអាងទៀតថា រូបគេចង់មកលេងនៅ Premier League តាំងពីឆ្នាំ ២០០៩ អំឡុងរូបគេលេងនៅលីគកំពូលប៊ែលហ្ស៊ិក។
សូមជម្រាបថា Perisic បានរួមរស់ជាមួយ Inter Milan រយៈពេល៧ឆ្នាំ រូបគេបានជួយក្លិបអ៊ីតាលីមួយនេះលើកពានរង្វាន់ Serie A ឆ្នាំ ២០២១, ពាន Italian Cup និង Italian Super Cup ឆ្នាំ ២០២២។ Perisic ក៏ធ្លាប់ឈ្នះពានរង្វាន់ Bundesliga ២ដង German Cup ៣ដង និង Champions League ១ដង ជាមួយ Bayern Munich៕
Tag:
Ivan Perisic
Tottenham Hotspur
© រក្សាសិទ្ធិដោយ thmeythmey.com