ជាតិ
កម្ពុជា ជាប់លេខ២៨ ក្នុងការផ្តល់កងកម្លាំងដល់អង្គការសហប្រជាជាតិ រូបពី មជ្ឈមណ្ឌលជាតិរក្សាសន្តិភាព។
×
ដោយ៖ វ៉ន ស៊ីចេន
ភ្នំពេញ៖ អង្គការសហប្រជាជាតិ វាយតម្លៃថា កម្ពុជាទទួលបានលំដាប់ថ្នាក់លេខ២៨ ចំណោម១២២ប្រទេស ក្នុងការផ្តល់កងកម្លាំងដល់អង្គការសហប្រជាជាតិ។ ដោយឡែក កងកម្លាំងមួកខៀវកម្ពុជា កំពុងបំពេញបេសកកម្មចំនួន ៥ប្រទេសគឺ ស៊ូដង់ ស៊ូដង់ខាងត្បូង លីបង់ ម៉ាលី និងអាហ្វ្រិកកណ្តាល។ នេះបើតាមមជ្ឈមណ្ឌលជាតិរក្សាសន្តិភាពថ្ងៃទី២៩ មិថុនា ឆ្នាំ២០២២។
លោក សែម សុវណ្ណនី អនុប្រធានគណៈកម្មាធិការជាតិ ជួបពិភាក្សាការងារជាមួយ លោកជំទាវ Vicky Singmin ប្រចាំប្រទេសឥណ្ឌូណេស៊ី និងលោក Jan Scazighino ស្ថានទូតកាណាដាប្រចាំកម្ពុជា នៅថ្ងៃទី២៩ មិថុនា ។ ដោយបានស្នើឲ្យភាគីកាណាដា ជួយរក្សាសន្តិភាពពិសេសជំនាញ (EOD) នៅកម្ពុជា ដែលផ្តោតសំខាន់លើនារីរក្សាសន្តិភាព និងបញ្ជូនទៅចូលរួមវគ្គហ្វឹកហ្វឺនផ្នែករក្សាសន្តិភាពនៅកាណាដា ។ ជាពិសេសផ្លាស់ប្តូរទស្សនកិច្ចរវាងប្រទេសទាំង២។
លោក សែម សុវណ្ណនី អនុប្រធានគណៈកម្មាធិការជាតិ បានថ្លែងក្នុងកិច្ចពិភាក្សាថា ចាប់តាំងពី ឆ្នំា២០០៦ កម្ពុជាបញ្ជូនកងទ័ពមួកខៀវ ចំនួន៨៣០២នាក់ ក្នុងនោះកម្លាំងនារី ចំនួន៥៨០នាក់ ទៅកាន់បេសកកម្មចំនួន១១ របស់អង្គការសហប្រជាជាតិ។ លោក បន្ថែមថា បច្ចុប្បន្នកងកម្លាំងមួកខៀវកម្ពុជា ចំនួន៨០១នាក់ ក្នុងនោះ នារីចំនួន១១៨នាក់ កំពុងបំពេញបេសកកម្ម នៅ៥ប្រទេសរួមមាន ស៊ូដង់ ស៊ូដង់ខាងត្បូង លីបង់ ម៉ាលី និងអាហ្វ្រិកកណ្តាល។
ជាមួយគ្នានេះ លោកជំទាវ Vicky Singmin ប្រចាំឥណ្ឌូណេស៊ី កោតសរសើរ ចំពោះកងទ័ពមួកខៀវកម្ពុជា ផ្នែកប្រតិបត្តិការរក្សាសន្តិភាពបោសសម្អាតមីននៅកម្ពុជា និងការចូលរួមប្រតិបត្តិការរក្សាសន្តិភាពរបស់អង្គការសហប្រជាជាតិផងដែរ។
Tag:
លោក សែម សុវណ្ណី
កងកម្លាំងមួកខៀវកម្ពុជា
© រក្សាសិទ្ធិដោយ thmeythmey.com