ជាតិ
សេដ្ឋកិច្ច
គិតត្រឹមចុងឆមាសទី១ ម៉ូតូជិត៥,៥លានគ្រឿងត្រូវបានចុះបញ្ជី ភាគច្រើននៅភ្នំពេញ ទិដ្ឋភាពម៉ូតូក្នុងរាជធានីភ្នំពេញ ថតដោយ សុង សុធាវី និងរូបក្នុងរង្វង់ គឺលោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន (រូបពីក្រសួង)
× គិតត្រឹមឆមាសទី១ឆ្នាំ២០២២ កម្ពុជាមានយានយន្តជិត៦,៥លានគ្រឿង ក្នុងនោះម៉ូតូជិត៥,៥លានគ្រឿង ត្រូវបានចុះបញ្ជីប្រើប្រាស់នៅទូទាំងប្រទេស។ នេះបើតាមការអះអាងរបស់លោក ហ៊ាង សុទ្ធាយុត្តិ អ្នកនាំពាក្យក្រសួងសាធារណការ និងដឹកជញ្ជូន។
អះអាងប្រាប់
សារព័ត៌មានថ្មីៗ តាមតេឡេក្រាម កាលពីថ្ងៃទី៨ ខែកក្កដា កន្លងមក លោក ហ៊ាង សុទ្ធាយុត្តិ បានបញ្ជាក់ថា រថយន្តដែលបានចុះបញ្ជីសរុបដោយគិតដល់ត្រឹមចុងឆមាសទី១ឆ្នាំ២០២២ គឺមានចំនួន ៦ ៤៦១ ០០០គ្រឿង ក្នុងម៉ូតូមាន៥ ៤៦៨ ០០០ ឬ៨៤,៦ភាគរយ។
ក្នុងរយៈពេលដូចគ្នានេះ អ្នកនាំពាក្យក្រសួងសាធារណការ បានអះអាងថា រាជធានីភ្នំពេញ ទទួលបានការចុះបញ្ជីយានយន្តជិតពាក់កណ្តាលនៃចំនួនយានយន្តសរុប ដោយមានចំនួន ២ ៨១៨ ០០០គ្រឿង ហើយម៉ូតូ មានដល់ទៅ២ ០៩០ ០០០គ្រឿង។
ក្រៅពីចំនួនជាក់លាក់ទាក់ទងនឹងតួលេខនៃការចុះបញ្ជីម៉ូតូ លោក ហ៊ាង សុទ្ធាយុត្តិ មិនបានបញ្ជាក់លំអិតអំពីតួលេខនៃប្រភេទយានយន្តផ្សេងទៀតនោះឡើយ ដែលក្នុងនោះមានរថយន្តធុនស្រាល ធុនធ្ងន់ និងប្រភេទផ្សេងទៀត។
នៅកម្ពុជា
ការចុះបញ្ជីយានជំនិះ ត្រូវបានតម្រូវតាមនីតិវិធីច្បាប់ដែលបានកំណត់។ ចំពោះការចុះបញ្ជីរថយន្ត ម្ចាស់យាន អាចស្នើសុំចុះបញ្ជីដោយខ្លួនឯងបាន តាមរយៈប្រព័ន្ធ ស្វ័យប្រវត្តិកម្មចុះបញ្ជីយានយន្ត ដែលមានអាសយដ្ឋាន
https://vehicle.mpwt.gov.kh ដោយអាចជ្រើសរើសផ្លាកលេខដែលលោកអ្នកពេញចិត្ត ហើយធ្វើការបំពេញព័ត៌មានចុះបញ្ជីដោយខ្លួនឯង ដោយមិនចាំបាច់ធ្វើការចំណាយក្រៅផ្លូវការផ្សេងៗ៕
© រក្សាសិទ្ធិដោយ thmeythmey.com