យោងតាមសេចក្តីប្រកាសព័ត៌មានរបស់ក្រសួងការបរទេសកម្ពុជា ក្រៅពីបង្ហាញការលើកទឹកចិត្ត រដ្ឋមន្រ្តីការបរទេសព្រុយណេ ក៏បានចែករំលែកទស្សនៈរបស់លោកដល់លោក ប្រាក់ សុខុន ផងដែរ អំពីរបៀបដែលអាស៊ានអាចជំរុញបន្ថែមទៀតនូវការអនុវត្តកិច្ចព្រមព្រៀងទាំង៥ចំណុចរបស់អាស៊ាន ដើម្បីដោះស្រាយវិបត្តិនៅមីយ៉ាន់ម៉ា។ 

 

ជាមួយគ្នានេះ រដ្ឋមន្រ្តីការបទេសព្រុយណេ ប្រាប់រដ្ឋមន្រ្តីការបរទេសកម្ពុជាថា ព្រុយណេ គាំទ្រយ៉ាងពេញទំហឹងដល់កម្ពុជា ដែលកំពុងកាន់តំណែងជាប្រធានអាស៊ានឆ្នាំ២០២២នេះ ដើម្បីនាំអាស៊ានឆ្លងកាត់បញ្ហាធំៗជាច្រើននាពេលបច្ចុប្បន្ន។ លោក ប្រាក់ សុខុន អរគុណរដ្ឋមន្រ្តីការបរទេសព្រុយណេ ដែលគាំទ្រកម្ពុជា ក្នុងការបំពេញតួនាទីជាប្រធាអាស៊ាន និងចែករំលែកទស្សនៈផ្ទាល់ខ្លួនដល់លោក។ 

 

«ភាគីទាំង២ បានបញ្ជាក់ពីការប្តេជ្ញាចិត្តក្នុងការពង្រឹងកិច្ចសហប្រតិបត្តិការពហុភាគី ដើម្បីបុព្វហេតុនៃសន្តិភាព ស្ថិរភាព និងការអភិវឌ្ឍប្រកបដោយចីរភាពក្នុងតំបន់ និងក្រៅតំបន់»។ នេះជាសំណេរក្នុងសេចក្តីប្រកាសព័ត៌មានរបស់ក្រសួងការបរទេសកម្ពុជា។ 

 

សូមរម្លឹកថា ក្នុងឋានៈជាបេសកជនពិសេសរបស់ប្រធានអាស៊ាន ដែលទទួលបន្ទុកក្នុងការជួយរកដំណោះស្រាយនៅមីយ៉ាន់ម៉ា លោក ប្រាក់ សុខុន បានធ្វើដំណើរទៅកាន់មីយ៉ាន់ម៉ា២ដងរួចមកហើយ ដើម្បីជួយសម្របសម្រួលស្ថាការណ៍នៅមីយ៉ាន់មី និងផ្តល់ជំនួយដល់ប្រជាជនមីយ៉ាន់ម៉ា៕