អត្តពលិកកីឡាហែលទឹកកម្ពុជា យ៉ុន មួយ បានប្រកួតលើវិញ្ញាសាហែលសេរី ប្រភេទ (SM8) ជាមួយកីឡាករ៦រូប មកពី៤ប្រទេស។ កីឡាករកម្ពុជារូបនេះ បានសម្រេចលទ្ធផលល្អ ក្នុងថេរវេលា ៣នាទី និង០២ វិនាទី ឈរលើកីឡាករហ្វីលីពីន Edwin ដែលប្រើពេល ៣នាទី និង១៤វិនាទី និងតាមពីក្រោយម្ចាស់ផ្ទះឥណ្ឌូណេស៊ី Zaki ដែលប្រើពេលត្រឹមតែ ២នាទី​ និង៣៩ វិនាទីតែប៉ុណ្ណោះ។

 

បញ្ចប់ការប្រកួត កម្ពុជាគ្រងដំណែងមេដាយប្រាក់១ និងសម្រាប់វិញ្ញាសាហែលចម្ងាយ ៥០ម៉ែត្រ ហែលសេរី(ប្រភេទS8)យកបានមេដាយសំរឹទ្ធ១ ធ្វើបានដោយកីឡាករ យ៉ុន មួយ ដដែល ។ សម្រាប់កីឡាហែលទឹកកម្ពុជា យកបានមេដាយ៤ ក្នុងនោះប្រាក់២ និងសំរឹទ្ធ២។

 

គិតត្រឹមព្រឹកថ្ងៃទី៤ ខែសីហា សម្រាប់កម្ពុជាយកបានមេដាយសរុប២១ ក្នុងព្រឹត្តិការណ៍អាស៊ានប៉ារ៉ាហ្គេមនេះ ក្នុងនោះមេដាយមាស៥ ប្រាក់៨ និងសំរឹទ្ធ៨៕