លោក វ៉ាត់ ចំរើន អគ្គលេខាធិការ CAMSOC បានមានប្រសាសន៍ថា៖«ឥឡូវនេះ តាមកិច្ចព្រមព្រៀងរវាង រាជរដ្ឋាភិបាលកម្ពុជា ជាមួយនឹង រដ្ឋាភិបាលសាធារណរដ្ឋប្រជាមានិតចិន គឺបានដល់ពេលត្រូវអនុវត្តនូវកិច្ចព្រមព្រៀងទាំងអស់នោះហើយ។ បានន័យថា ដោយស្ថានភាពនៅចិនមានការធូរស្រាលក្នុងការទទួលយកនូវកីឡាករ-កីឡាការិនី យើងចំនួន ១៦១នាក់ ដែលត្រូវទៅធ្វើការហ្វឹកហាត់នៅប្រទេសចិន ពីឥឡូវរហូតទៅដល់ស៊ីហ្គេម»។

 

លោក​បាន​បញ្ជាក់​ថា បច្ចុប្បន្ន លោកកំពុង​សុំគោលការណ៍ពី​សម្តេច ទៀ បាញ់ ប្រធាន​ CAMSOC ដើម្បីទទួល​បាន​ការណែនាំផ្សេងៗ ទាក់ទង​នឹងការរៀបចំចេញដំណើរនាពេល​ខាងមុខ។

 

អត្តពលិកកម្ពុជា ១៦១នាក់ ពី​១២ប្រភេទកីឡា រួមមាន កាយសម្ព័ន្ធ, យូដូ, វូស៊ូ, បាល់បោះ, វាយកូនឃ្លីលើតុ, អត្តពលកម្ម, វាយសី, លើកទម្ងន់, ហែលទឹក, បាល់ទះ(នារី) និងបាល់ទាត់(នារី)។

ចំពោះសហព័ន្ធកីឡាបាល់ទះកម្ពុជា ថាឱកាសចេញទៅហ្វឹកហាត់រយៈពេលវែងជាមូលដ្ឋានគ្រឹះសម្រាប់ក្រុមកីឡាការិនីបាល់ទះកម្ពុជា។ លោក អាំង សិរីពិសិដ្ឋ អគ្គលេខាធិការសហព័ន្ធកីឡាបាល់ទះកម្ពុជា ប្រាប់សារព័ត៌មានថ្មីៗតាមទូរសព្ទថា៖«ការបញ្ជូនទៅចិនរយៈពេលវែងនេះខ្ញុំគិតថាយើងនឹងអាចបំពាក់បំប៉នទាំងមូលដ្ឋានគ្រឹះ និងជាបឋម ឬក៏ជា(Professional)។

នេះបើតាមការបញ្ជាក់ពីលោកអគ្គលេខាធិការ៕