ជាតិ
យុវជនសកម្ម សេវាល្អ
×![]()
ដោយ៖ យុវជនឃុំកូនសត្វ
ស្រុកទឹកឈូ,កំពត៖ លោក វ៉ិត សុភ័ក្រ្ត មេឃុំកូនសត្វ ស្នើឱ្យពលរដ្ឋចូលរួមជួយថែរក្សាផ្លូវបេតុងក្នុងឃុំ ដែលទើបតែសាងសង់រួចរាល់ ក្នុងឆ្នាំ២០២២នេះ។ លោកថា នេះជាផ្លូវបេតុងទី១ ក្នុងឃុំកូនសត្វ មានប្រវែង៨០០ម៉ែត្រ គិតពីចំណុចផ្សាររោង ទៅដល់វត្តអង្គគ្រឹះស្នា។ ការអភិវឌ្ឍផ្លូវមួយខ្សែនេះ គឺជាថវិកាដែលឃុំទទួលបានពីរដ្ឋ ប្រមាណ៣៨០លានរៀលសម្រាប់ការអភិវឌ្ឍឃុំ។ «ផ្លូវនេះ យើងមិនអាចកំណត់ថាប៉ុន្មានឆ្នាំបានឡើយ ព្រោះថវិកាមានកំណត់ អ៊ីចឹងយើងធ្វើទៅតាមថវិការបស់យើងដែលមាន។ ហើយឆ្នាំនេះ យើងបាន៣៨០លានរៀល ហើយឆ្នាំក្រោយយើង ក៏មិនដឹងថាប៉ុន្មាននោះដែរ»។ នេះជាការលើកឡើង របស់លោក វ៉ិត សុភ័ក្រ្ត ដែលបន្តថា លោក ឃុំប្ដេជ្ញាបន្តអភិវឌ្ឍ និងស្ថាបនាផ្លូវបន្ថែមដើម្បីសម្រួលដល់ការធ្វើដំណើររបស់ពលរដ្ឋ។
មេឃុំកូនសត្វ ក៏អំពាវនាវដល់ពលរដ្ឋ ឱ្យចូលរួមជួយថែរក្សាផ្លូវនេះផងដែរ។ លោក បញ្ជាក់ទៀតថា ការស្ថាបនាផ្លូវមួយខ្សែនេះ មិនបង្កឱ្យមានផលប៉ះពាល់ដល់ផ្ទះ ទ្រព្យសម្បត្តិរបស់ពលរដ្ឋណាម្នាក់ឡើយ។
សូមអញ្ជើញលោក-អ្នកនាងទស្សនាវីដេអូខាងក្រោមដូចតទៅ៖
(វីដេអូនេះ គឺជាស្នាដៃរបស់ក្រុមយុវជន និងត្រូវបានរៀបរៀងឡើង ក្រោមជំនួយហិរញ្ញវត្ថុរបស់សហភាពអឺរ៉ុប និងទីភ្នាក់ងារសហប្រតិបត្តិការអភិវឌ្ឍអន្តរជាតិស៊ុយអ៊ែត តាមរយៈអង្គការតម្លាភាពកម្ពុជា និងអង្គការអាក់សិនអេតកម្ពុជា។ រាល់ខ្លឹមសារនៅក្នុងអត្ថបទ និងវីដេអូនេះ គឺជាការទទួលខុសត្រូវរបស់ស្មេរ /ផលិតករ ហើយមិនឆ្លុះបញ្ចាំងអំពីទស្សនៈរបស់សហភាពអឺរ៉ុប និងទីភ្នាក់ងារសហប្រតិបត្តិការ អភិវឌ្ឍអន្តរជាតិស៊ុយអ៊ែតនោះទេ)
© រក្សាសិទ្ធិដោយ thmeythmey.com
