អន្តរជាតិ
ចិនជិតធ្វើកិច្ចព្រមព្រៀងអនុញ្ញាតឱ្យអាមេរិកត្រួតពិនិត្យរបាយការណ៍ក្រុមហ៊ុនចិនក្នុងក្រុងហុងកុង
រូបឯកសារ៖ អ្នកធ្វើការនៅផ្សារភាគហ៊ុនក្រុង New York (New York Stock Exchange) សហរដ្ឋអាមេរិក កាលពីថ្ងៃទី២៨ ខែធ្នូ ឆ្នាំ២០២១។
×![]()
ដោយ: VOA
សហរដ្ឋអាមេរិកនិងប្រទេសចិនជិតធ្វើកិច្ចព្រមព្រៀងដែលអនុញ្ញាតឱ្យនិយ័តករគណនេយ្យអាមេរិក ធ្វើដំណើរទៅកាន់ទីក្រុងហុងកុងដើម្បីត្រួតពិនិត្យរបាយការណ៍របស់ក្រុមហ៊ុនចិនចុះបញ្ជីការនៅអាមេរិក។ នេះបើតាមកាសែត Wall Street Journal ដែលចេញផ្សាយដំបូងគេកាលពីថ្ងៃព្រហស្បតិ៍ ហើយទីភ្នាក់ងារព័ត៌មាន Reuters បានស្រង់ផ្សាយបន្ត។
និយ័តករសន្តិសុខក្នុងរដ្ឋធានីប៉េកាំងកំពុងរៀបចំឱ្យក្រុមហ៊ុនចិន ដែលចុះបញ្ជីការក្នុងរដ្ឋ New York ហើយក្រុមហ៊ុនគណនេយ្យរបស់គេផ្ទេរឯកសារត្រួតពិនិត្យនិងទិន្នន័យពីចិនដីគោកទៅកាន់ទីក្រុងហុងកុង។ នេះបើតាមការសែត Wall Street Journal ដែលបានដកស្រង់ប្រភពមួយចំនួន។
និយ័តករមកពីក្រុមប្រឹក្សាត្រួតពិនិត្យគណនេយ្យក្រុមហ៊ុនសាធារណៈរបស់អាមេរិក (PCAOB) នៅពេលនោះនឹងធ្វើដំណើរទៅត្រួតពិនិត្យដល់ទីកន្លែងរបស់ក្រុមហ៊ុននោះតែម្តង។
ក្រុមប្រឹក្សា PCAOB បដិសេធមិនឆ្លើយតបសំណើរបស់ Reuters សុំការអត្ថាធិប្បាយជុំវិញរឿងនេះ ឡើយ។
រដ្ឋាភិបាលក្រុងប៉េកាំងនិងរដ្ឋាភិបាលក្រុងវ៉ាស៊ីនតោន កំពុងពិភាក្សាដើម្បីដោះស្រាយជម្លោះនៃការត្រួតពិនិត្យ ដែលអាចនាំទៅដល់ការដាក់បម្រាមទៅលើក្រុមហ៊ុនចិននានា មិនឱ្យក្រុមហ៊ុនធ្វើការដោះដូរជាមួយសហរដ្ឋអាមេរិក ប្រសិនបើចិនមិនព្រមធ្វើតាមការទាមទាររបស់រដ្ឋាភិបាលក្រុងវ៉ាស៊ីនតោនក្នុងការពិនិត្យមើលក្រុមហ៊ុនចិន ដែលចុះបញ្ជីការនៅសហរដ្ឋអាមេរិកនោះ។
រដ្ឋាភិបាលក្រុងប៉េកាំងបានរារាំងដល់ការធ្វើអធិការកិច្ចពីសំណាក់បរទេសទៅលើឯកសារត្រួតពិនិ្យគណនេយ្យក្រុមហ៊ុនក្នុងស្រុករបស់ខ្លួន ដោយលើកឡើងពីការព្រួយបារម្ភខាងផ្នែកសន្តិសុខជាតិ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 3 ថ្ងៃ
