លោក សុទ្ធ គឹមកុលមុន្នី អ្នកនាំពាក្យគណៈកម្មាធិការគ្រប់គ្រងគ្រោះមហន្តរាយ បានឲ្យដឹងថា គោលបំណងនៃការធ្វើលំហាត់សង្គ្រោះគ្រោះមហន្តរាយនេះ ដើម្បីហ្វឹកហ្វឺន និងកិច្ចសហប្រតិបត្តិការរួមគ្នា ក្នុងាការឆ្លើយតបទៅនឹងគ្រោះមហន្តរាយ ដែលតែងតែគំរាមកំហែងដល់ប្រទេសជាប់ដងទន្លេមេគង្គទាំង៣នេះ។

 

ក្នុងកិច្ចសម្ភាសន៍ជាមួយសារព័ត៌មានថ្មីៗ អ្នកនាំពាក្យរូបនេះ ថ្លែងយ៉ាងដូច្នេះថា៖ «លំហាត់នេះ ធ្វើឡើងក្រោមប្រធានបទ សង្គ្រោះគ្រោះមហន្តរាយបណ្តាលមកពីខ្យល់ព្យុះ ទឹកជំនន់។ ក្នុងលំហាត់នេះ កងទ័ពកម្ពុជា ទទួលភារកិច្ចលើការជួយសង្គ្រោះមនុស្សលង់ទឹក រុករកមនុស្សកប់ក្នុងអគាររលំដោយខ្យល់ព្យុះ រុករកមនុស្សដោយការលង់ទឹក និងការសង្គ្រោះចេញពីការបាក់ដី»។ 

 

លោក សុទ្ធ គឹមកុលមុន្នី បានសង្កត់ធ្ងន់ថា វគ្គលំហាត់ហ្វឹកហ្វឺននេះ​ 

គឺមានការសិក្សាពីមេរៀនសេនារីយោ និងពិភាក្សាផ្លាស់ប្ដូរយោបល់គ្នា ជាដើម។ 

 

ការធ្វើលំហាត់ហ្វឹកហ្វឺននេះ មានការប្តូរវេនគ្នា តាំងពីឆ្នាំ២០១៩មកម្ល៉េះ ។ ប៉ុន្តែដោយសារកូវីដ-១៩ រាតត្បាត ទើបក្រសួងការពារជាតិបានពន្យាពេល រហូតមកដល់ឆ្នាំ២០២២នេះ បានរៀបចំឡើងវិញនៅប្រទេសឡាវ។ ដោយឡែក ឆ្នាំក្រោយនេះ នឹងមានការរៀបចំហ្វឹកហ្វឺនលំហាត់សង្រ្គោះគ្រោះមហន្តរាយនេះ នៅប្រទេសកម្ពុជាម្ដង៕ នេះបើតាមលោក សុទ្ធ គឹមកុលមុន្នី៕​