សម្តេចរដ្ឋមន្រ្តីមហាផ្ទៃ បានណែនាំឲ្យលោក ឯម វិចិត្រ ដែលទើបនឹងត្រូវបានតែងតាំងជាអគ្គាធិការថ្មី និងថ្នាក់ដឹកនាំផ្សេងទៀតនៃក្រសួងមហាផ្ទៃ បង្កើនការយកចិត្តទុកដាក់ក្នុងការដោះស្រាយបញ្ហារបស់ប្រជាពលរដ្ឋឲ្យបានលឿ និងប្រកបដោយប្រសិទ្ធភាព។ សម្តេច មានប្រសាសន៍ថា សំណើរ និងសំណូមពរជាច្រើនទៀតរបស់ប្រជាពលរដ្ឋ មិនទាន់ត្រូវបានដោះស្រាយចប់នៅឡើយទេ។
 

 សម្តេច ស ខេង ចាត់ទុកបណ្ដឹង សំណើ និងសំណូមពររបស់ប្រជាពលរដ្ឋ ជាកញ្ចក់ដ៏ភ្លឺថ្លាសម្រាប់មន្រ្តីឆ្លុះមើលបញ្ហា ហើយកែលម្អ។ សម្តេច ប្រាប់មន្រ្តីឲ្យប្រមូលបញ្ហាទាំងអស់នោះទៅពិនិត្យមើល ដើម្បីដឹងថា បញ្ហាណាពិត ហើយបញ្ហាណាមិនពិត។
 

រដ្ឋមន្រ្តីរដ្ឋមន្រ្តី បញ្ជាក់ដូច្នេះថា៖«បើករណីណាមួយមិនមែនជារឿងពិត មន្រ្តីមានសមត្ថកិច្ច ក៏អាចបោះបង់ចោល ឬបំភ្លឺថា វាមិនមែនជាការពិតនោះទេ។ ប៉ុន្តែ បើបញ្ហានោះ គឺជាបញ្ហាពិត មន្រ្តីមានសមត្ថកិច្ច ត្រូវខិតខំដោះស្រាយឲ្យអស់ពីលទ្ធភាព មិនត្រូវកប់ទុកបញ្ហាចោលឡើយ»៕