អាហារូបករណ៍សិក្សានៅប្រទេសជប៉ុន​តាមគម្រោង JDS នេះ មានជំនាញជាច្រើន​ដូចជា ជំនាញអភិវឌ្ឍជនបទ និងកសិកម្ម ( Agriculture and Rural Development), ជំនាញកែលម្អបរិស្ថាននៃការរស់នៅក្នុងទីក្រុង (  Improvement of Urban Living Environment),  ជំនាញលើកកម្ពស់ការប្រកួតប្រជែងផ្នែកឧស្សាហកម្ម (Enhancement of Industrial Competitiveness)។

 

ជំនាញផ្សេងទៀតរួមមាន ការកែលម្អប្រព័ន្ធថែទាំសុខភាព និងរបបសន្តិសុខសង្គម( Improvement of Healthcare and Social Security System) ជំនាញកែកម្អរដ្ឋបាល(Improvement of Administrative Functions), ជំនាញអភិវឌ្ឍផ្នែកច្បាប់ និងតុលាការ(Legal and Judicial Development) រួមទាំងជំនាញកសាងទំនាក់ទំនងអន្តរជាតិ(. Building of International Relations)។

 

តាមសេចក្តីជូនដំណឹងរបស់ JDS ការសិក្សាលើជំនាញទាំងនេះ មានរយៈពេល២ឆ្នាំ (ពីឆ្នាំ២០២៣-២០២៤)  ដោយនិស្សិតស្រី ត្រូវបានលើកចិត្តជាងបុរស។  និស្សិតដែលអាចដាក់ប្រឡងយកអាហារូបករណ៍នេះបាន ត្រូវបានអាយុចន្លោះពី២២-៣៩ឆ្នាំ ដោយគិតត្រឹមថ្ងៃទី១ មេសា ឆ្នាំ២០២៣។ លើសពីនេះ និស្សិតត្រូវមានបទពិសោធន៍ការងារពេញម៉ោងយ៉ាងតិច២ឆ្នាំ  ត្រូវមានសុខភាពទាំងសតិបញ្ញា និងកាយសម្បទាល្អ  រួមទាំងអាចប្រើប្រាស់ភាសាអង់គ្លេសបានគ្រប់គ្រាន់ ​ជាមួយនឹងឆន្ទៈយកចំណេះដឹងទាំងនោះមកចូលរួមអភិវឌ្ឍកម្ពុជា។​ 

 

សម្រាប់ព័ត៌មានលម្អិត លោក-អ្នក​ ចូលកាន់វេបសាយ  ​https://jds-scholarship.org/country/cambodia/index.html  ៕