អ្នកនាំពាក្យក្រសួងពាណិជ្ជកម្ម លោក ប៉ែន សុវិជាតិ បានប្រាប់អ្នកសារព័ត៌មានថា កម្ពុជាកំពុងធ្វើម្ចាស់ផ្ទះ រៀបចំកិច្ចប្រជុំរដ្ឋមន្រ្តីសេដ្ឋកិច្ចអាស៊ាន លើកទី៥៤ និងកិច្ចប្រជុំពាក់ព័ន្ធ ចាប់ពីថ្ងៃទី១១ ដល់ថ្ងៃទី១៨ ខែកញ្ញា នាសណ្ឋាគារសុខាសៀមរាប។ លោកបន្តថា កិច្ចប្រជុំនេះមានថ្នាក់រដ្ឋមន្រ្តីជាច្រើនប្រទេស ក្រៅពីរដ្ឋមន្រ្តីសេដ្ឋកិច្ចអាស៊ានទាំង១០ ក៏មានរដ្ឋមន្រ្តីនៃប្រទេសជាដៃគូមួយចំនួនទៀតចូលរួមដែរ។

 

តាមអ្នកនាំពាក្យដដែល កិច្ចប្រជុំរដ្ឋមន្ត្រីសេដ្ឋកិច្ចអាស៊ានលើកទី៥៤ នឹងប្រព្រឹត្តទៅនៅថ្ងៃទី១៤ ទី១៥ និងទី១៦ ខែកញ្ញា ឆ្នាំ២០២២ ក្នុងនោះសម្ដេច ហ៊ុន សែន នឹងអញ្ជើញចូលរួមពិធីបើកជាផ្លូវការនាថ្ងៃទី១៤ ខែកញ្ញា៕