កម្មវិធី «ភ្ជុំបិណ្ឌ៖ តោះទៅវេចនំអន្សមរួមគ្នា» រៀបចំឡើងដើម្បីរំលឹក និងបង្កើតអនុស្សាវរីយ៍ ការសាមគ្គីគ្នា ក៏ដូចជាបំផុសការចូលរួមថែរក្សាទំនៀមទម្លាប់ ប្រពៃណីដល់យុវជនជំនាន់ក្រោយ។ កម្មវិធីនេះ ក៏បង្កើតឱកាសដល់យុវជនឱ្យងាកមកចាប់អារម្មណ៍លើការចម្អិន ពិសេសការវេចនំអន្សមខ្មែរក្នុងពិធីបុណ្យភ្ជុំបិណ្ឌផងដែរ។ --
 

លើសពីនេះ កម្មវិធី «ភ្ជុំបិណ្ឌ៖ តោះទៅវេចនំអន្សមរួមគ្នា» ក៏ជាវេទិកាចែករំលែកចំណេះដឹងទាក់ទងនឹងនំរបស់ខ្មែរ របៀបវេច និងការចម្អិនជាដើម។ សាធារណៈជនទាំងអស់អាចចូលរួមបានដោយសេរីចាប់ពីរសៀលថ្ងៃទី១៥ ដើម្បីសាកល្បងវេចនំអន្សមខ្មែរ និងឈ្វេងយល់ពីរបៀបចម្អិននំប្រពៃណីនេះផងដែរ។ កម្មវិធីនេះ នឹងប្រព្រឹត្តិទៅដល់ថ្ងៃទី១៨ កញ្ញា៕