អត្ថបទពាណិជ្ជកម្ម
ធនាគារ អេស៊ីលីដា ទទួលបានពានរង្វាន់«ដៃគូធនាគារល្អបំផុតសម្រាប់សហគ្រាសធុនតូច និងមធ្យម នៅក្នុងតំបន់អាស៊ីខាងកើត និងប៉ាស៊ីហ្វិក» ពីIFC
× ភ្នំពេញ៖ ស្ថាប័នសាជីវកម្មហិរញ្ញវត្ថុអន្តរជាតិ (IFC) បានផ្តល់ពានរង្វាន់ «ដៃគូធនាគារល្អបំ ផុតសម្រាប់សហគ្រាសធុនតូច និងមធ្យម (SME) នៅក្នុងតំបន់អាស៊ីខាងកើត និងប៉ាស៊ីហ្វិក» ដែលឆ្លុះបញ្ចាំងអំពីការចូលរួមយ៉ាងសកម្ម របស់ធនាគារ ក្នុងការលើកកម្ពស់ការរីកចម្រើនសម្រាប់វិស័យ SME ក្នុងរយៈពេលជាច្រើនឆ្នាំកន្លងមកនេះ។
ជាមួយនឹងពាន់រង្វាន់នេះ បង្ហាញអំពីធនាគារអេស៊ីលីដាបាន និងកំពុងធ្វើការយ៉ាងជិតស្និទ្ធជាមួយសហគ្រាសធុនតូច និងមធ្យម និងបម្រើនូវផលិតផលសេវាកម្មហិរញ្ញវត្ថុចម្រុះយ៉ាងសម្បូរបែប ជាពិសេសសេវាកម្មធនាគារអេឡិចត្រូនិក និងឌីជីថល ប្រកបដោយភាពងាយស្រួល និងសុវត្ថិភាព ដើម្បីឆ្លើយតបនឹងតម្រូវការរបស់អតិថិជន។ លើសពីនេះ ធនាគារ អេស៊ីលីដា បានផ្តល់ហិរញ្ញប្បទានយ៉ាងច្រើន ដល់សហគ្រាសធុនតូច និងមធ្យម ដើម្បីរួមចំណែកក្នុងការអភិវឌ្ឍសហគ្រាសធុនតូច និងមធ្យមប្រកបដោយនិរន្តរភាព។
បណ្ឌិត អ៊ិន ចាន់នី ប្រធាននាយកប្រតិបត្តិ ធនាគារ អេស៊ីលីដា ភីអិលស៊ី បានលើកឡើងថា ការអភិវឌ្ឍសហគ្រាសខ្នាតតូច និងខ្នាតមធ្យម វិស័យធនាគារនៅកម្ពុជា ជាពិសេសធនាគារ អេស៊ីលីដា ភីអិលស៊ី ដែលបានចូលរួមចំណែកក្នុងការជួយជំរុញកំណើនសេដ្ឋកិច្ចជាតិប្រកបដោយនិរន្តរភាព។ លោកបណ្ឌិត បានបន្តថា ធនាគារ អេស៊ីលីដា ភីអិលស៊ី បានឆ្លងកាត់ដំណាក់កាលអភិវឌ្ឍន៍ជាច្រើន ដោយផ្តើមចេញពីអង្គការក្រៅរដ្ឋាភិបាលក្នុងស្រុករហូតក្លាយជាធនាគារពាណិជ្ជធំជាងគេមួយ នៅកម្ពុជា។ ធនាគារ អេស៊ីលីដា ភីអិលស៊ី គឺជាធនាគារកម្ពុជាដំបូងគេ ដែលបានពង្រីកប្រតិបត្តិការរបស់ខ្លួន ទៅកាន់ប្រទេសជិតខាងក្នុងតំបន់រួម មានប្រទេសឡាវ នៅឆ្នាំ២០០៨ និងមីយ៉ាន់ម៉ា នៅឆ្នាំ២០១៣។ នៅខែឧសភា ឆ្នាំ២០២០ ធនាគារ អេស៊ីលីដា ភីអិលស៊ី បានក្លាយជាធនាគារពាណិជ្ជដំបូងគេនៅកម្ពុជា ដែលបានបោះផ្សាយលក់ភាគហ៊ុនរបស់ខ្លួន នៅលើផ្សារមូលបត្រកម្ពុជា (ផ.ម.ក)។
ធនាគារ អេស៊ីលីដា ភីអិលស៊ី មានក្រុមហ៊ុនបុត្រសម្ព័ន្ធចំនួនបួន (៤) គឺ៖១) វិទ្យាស្ថាន ពាណិជ្ជសាស្រ្ត អេស៊ីលីដា ២) អេស៊ីលីដា ស៊ីឃ្យួរឹធី ភីអិលស៊ី ៣) ធនាគារ អេស៊ីលីដា ឡាវ លីមីធីត និង ៤) ស្ថាប័នមីក្រូហិរញ្ញវត្ថុ អេស៊ីលីដា មីយ៉ាន់ម៉ា ព្រមទាំងមានការិយាល័យតំណាង នៅសាធារណរដ្ឋសហភាពមីយ៉ានម៉ា។ ធនាគារ អេស៊ីលីដា ភីអិលស៊ី មានទ្រព្យសកម្មសរុបចំនួនជាង ៨,៣៤ប៊ីលានដុល្លារអាម៉េរិក សមតុល្យឥណទានសរុបចំនួន ៦ប៊ីលានដុល្លារអាម៉េរិក និងប្រាក់បញ្ញើសន្សំសរុបចំនួន ៦,០១ប៊ីលានដុល្លារអាម៉េរិក និងមានអតិថិជន ប្រមាណជាង ៣,៥៩លាននាក់ គិតត្រឹមដំណាច់ខែមិថុនា ឆ្នាំ២០២២នេះ។ គិតត្រឹមដំណាច់សីហា ឆ្នាំ២០២២ ធនាគារ អេស៊ីលីដា ភីអិលស៊ី មានអ្នកប្រើប្រាស់អេស៊ីលីដាម៉ូបាល លើស ២,៥លាននាក់ និងមានដៃគូអាជីវកម្ម ចំនួន ១៧៥ពាន់៕
( អត្ថបទពាណិជ្ជកម្ម )
© រក្សាសិទ្ធិដោយ thmeythmey.com