ក្នុងវគ្គទី១ ខ្សែប្រយុទ្ធ Nguyen Anh Duy របស់ក្រុមវៀតណាម ស៊ុតទម្លាយសំណាញ់ទី អារ៉ាប៊ីសាអូឌីត ១គ្រាប់នៅនាទី១២ និងវគ្គទី២ នៅនាទី២៩ ខ្សែការពារ Chau Doan Phat បន្ថែមគ្រាប់ទី២ ឱ្យក្រុម ខណៈរូបគេក៏បានបង្កកំហុសបង្កើតឱ្យបាល់ចូលទីខ្លួនឯង១គ្រាប់ដែរនៅនាទី៣០ ប៉ុន្តែខ្សែបម្រើ Nguyen Minh Tri បន្ថែមគ្រាប់ទី៣ ជូនក្រុមនឹងជាគ្រាប់ជ័យជម្នះ។ បញ្ចប់ការប្រកួតវៀតណាម ឈ្នះអារ៉ាប៊ីសាអូឌីត ៣១។

 

នៅមុននោះដែរ ស៊ាំម៉ូរ៉ៃជប៉ុន ដណ្តើមបាន៣ពិន្ទុពីកូរ៉េខាងត្បូង ដោយស៊ុតបញ្ចូលទីរហូតដល់ទៅ៦គ្រាប់។ ក្នុងវគ្គទី១ ជប៉ុន រកគ្រាប់បាល់បានដោយបាល់ទាត់ចូលទីខ្លួនឯង(OG) ដោយខ្សែការពារកូរ៉េខាងត្បូង Seo Jung Woo នៅនាទី៥។ ១នាទីក្រោយមក ខ្សែប្រយុទ្ធ Oliveira រកបាន១គ្រាប់ទៀត មុននឹងខ្សែការពារ Mizutani ទម្លាយសំណាញ់ទីគ្រាប់ទី៣ នៅនាទី១៧ ។ ចូលដល់វគ្គទី២ ជប៉ុន បន្ថែមបាន៣គ្រាប់ទៀតពោលនៅនាទី២៧ ដោយខ្សែការពារ Ishida ,នាទី២៨ ខ្សែបម្រើ Kanazawa និងនាទី៣៩ ដោយខ្សែប្រយុទ្ធ Yoshikawa។

 

ក្រឡេកទៅកាន់ពូលC ឥណ្ឌូណេស៊ីរកបាន៣ពិន្ទុសម្រាប់ជុំទី២ ក្រោយផ្តល់ភាពបរាជ័យជូនលីបង់ ក្នុងលទ្ធផល ៧-២ មុនពេលអ៊ីរ៉ង់ លត់ឆាយនីសតៃប៉ិ យ៉ាងចាស់ដៃដែលបញ្ចប់ក្នុងលទ្ធផលដំបូង ១០-១។ បញ្ចប់ការប្រកួតសម្រាប់សប្តាហ៍ទី២ ពូលD វៀតណាម នៅតែឈរលេខ១ ដោយមាន ៦ពិន្ទុលេខ២ អារ៉ាប៊ីសាអូឌីត មាន៣ពិន្ទុស្មើជប៉ុន ឈរលេខ៣ និងលេខ៤ កូរ៉េខាងត្បូង។ រីឯពូលC អ៊ីរ៉ង់ បន្តឈរលេខ១ មាន៦ពិន្ទុ ឥណ្ឌូណេស៊ីលេខ២ មាន៣ពិន្ទុ ខណៈលេខ៣លីបង់ មាន១ពិន្ទុស្មើ ឆាយនីសតៃប៉ិ ដែលមានម្នាក់១ពិន្ទុ៕​​