Messi រងរបួសកំភួនជើងពេលការប្រកួតទល់ Benfica នៅទឹកដីប្រទេសព័រទុយហ្កាល់ កាលពីសប្តាហ៍មុនមក។

អំឡុងការប្រកួតនោះ Messi វ័យ៣៥ឆ្នាំ ត្រូវបានក្រុមគ្រូពេទ្យរបស់ PSG ស្នើឱ្យប្តូរចេញសម្រាប់ការប្រកួតក្នុងវគ្គទីពីរ ដោយសារតែរបួសកំភួនជើងនេះ ។ ប៉ុន្តែរូបគេបានបដិសេធ និងបន្តលេងរហូតដល់ចប់ការប្រកួត។ តែយ៉ាងណាការខកខានការប្រកួតរបស់ ​Messi បានក្លាយជាបញ្ហាដល់ PSG ព្រោះ Messi គឺជាកីឡាករបង្កើតឱកាសក្នុងក្រុមដ៏សំខាន់មួយរូប។
 

សម្រាប់ការប្រកួតទល់ Benfica នាកីឡដ្ឋាន Parc des Princes វេលាម៉ោង ២ រាត្រីនេះកីឡាករ Presnel Kimpembe, Nuno Mendes និង Renato Sanches ក៏គ្មានវត្តមានសម្រាប់ការប្រកួតដែរ។
 

កាលពីជំនួប PSG ទល់ Stade de Reims ដែលបញ្ចប់ត្រឹមលទ្ធផល០-០ នាចុងសប្តាហ៍មុន ក៏មិនមានវត្តមានរបស់ខ្សែប្រយុទ្ធវ័យ៣៥ឆ្នាំ ដែរ ។

PSG មាន ៧ពិន្ទុ ស្មើនឹង Benfica ខណៈ Juventus មាន៤ពិន្ទុស្ថិតនៅលេខ៣ ត្រូវជួប Maccabi Haifa យប់នេះ នៃការប្រកួតវគ្គសន្សំពិន្ទុ ពូល H ៕