បន្ថែម​ពីនេះ ស្ថាប័ននគរបាលប្រទេសទាំង២ បន្តប្តេជ្ញាគោរពលក្ខន្តិកៈស្តីពីការគ្រប់គ្រងព្រំដែនឲ្យបានហ្មឺងម៉ាត់ និងរួមគ្នាកសាងសន្តិភាព មិត្តភាព កិច្ចសហប្រតិបត្តិការ និងការអភិវឌ្ឍ តាមព្រំដែន។ ភាគីទាំង២ ក៏បានជំរុញសកម្មភាពបំផុសប្រជាពលរដ្ឋនៅតាមព្រំដែនឲ្យចូលរួមបង្ការបទល្មើសឆ្លងដែនផងដែរ ដើម្បីធានាសុវត្ថិភាពសន្តិសុខតាមបណ្តាភូមិ ឃុំ ស្រុកនៃខេត្តដែលជាប់ព្រំដែន។ 

 

នៅមានកិច្ចសហការសំខាន់១ទៀត ដែលភាគីទាំង២ បានព្រមព្រៀងគ្នា គឺការបង្កើនកិច្ចសហការ ក្នុងការទប់ស្កាត់បទល្មើសគ្រប់ប្រភេទ ដូចជា គ្រឿងញៀន សកម្មភាពចាត់តាំង មេខ្យល់ ខ្សែរយៈបក្សពួកឧក្រិដ្ឋជនដែលលួចនាំមនុស្សឆ្លងដែនខុសច្បាប់ សកម្មភាពល្បែងស៊ីសងខុសច្បាប់ អំពើជួញដូរមនុស្ស និងពលកម្មដោយបង្ខំ ជាដើម៕