បន្ទាប់ពីមានការផ្គូរផ្គងសារជាថ្មីកាលពីថ្ងៃទី១០ ខែតុលា ម្ចាស់ខ្សែក្រវាត់ពិភពលោក ៥ប្រភេទទម្ងន់ Canelo Alvarez  នឹងត្រូវបើកទំព័រជាថ្មីម្តងទៀតក្នុងជំនួបទល់នឹងកីឡាករ Dmitry Bivol របស់រុស្ស៊ី បន្ទាប់ពីបរាជ័យទាំងមិនអស់ចិត្តដោយពិន្ទុ។

 

បន្ទាប់ពីបរាជ័យនោះ បានធ្វើឱ្យអ្នកគាំទ្រ Alvarez មានការមិនពេញចិត្តជាខ្លាំងចំពោះរូបគេ។ កាលពីថ្ងៃទី១៧ ខែកញ្ញា Alvarez អ្នកប្រដាល់ម៉ិកស៊ិកបាន បដិសេធជាមួយនឹងការប្រកួតទល់នឹងកីឡាករ Zurdo Ramirez ដោយរូបគេសុំពេលហ្វឹកហាត់ដើម្បីសងសឹក Bivol វិញ។

 

Alvarez បាននិយាយថា៖«ខ្ញុំពិតជាចង់ប្រកួតឡើងវិញជាមួយ Dmitry Bivol នៅខែកញ្ញា ខាងមុខ»។ នេះបើតាមការចុះផ្សាយរបស់ Boxing News 24/7។ ប្រសិនមិនមានអ្វីប្រែប្រួលទេ ជំនួបលើកទី២ រវាង Alvarez និង Bivol នឹងត្រូវប្រកួតគ្នាជាថ្មីម្តងទៀត នៅខែកញ្ញា ឆ្នាំ២០២២។

Bivol វ័យ៣១ឆ្នាំ មានប្រវត្តិប្រកួត២០លើក ឈ្នះទាំង២០លើក និងផ្តួលឱដៃគូសន្លប់១១លើក​ ខណៈ Alvarez ដែលមានវ័យ ៣២ឆ្នាំ ធ្លាប់ប្រកួត៦២លើក ឈ្នះ៥៨​ ចាញ់២ និងស្មើ២ ព្រមទាំងបញ្ចប់គូប្រកួតមិនឱ្យតដៃ ៣៨លើក៕