ទូកនេសាទវៀតណាម ត្រូវបានឃាត់ទុកពេលកំពុងនេសាទឈ្លើងសមុទ្រក្នុងឈូងសមុទ្រថៃនៅខេត្តសុងខ្លានៅថ្ងៃទី១៤ ខែតុលា។ ជនជាតិវៀតណាមដែលត្រូវបានចាប់ខ្លួន ត្រូវបានបញ្ជូនទៅកាន់មូលដ្ឋានជើងទឹកក្នុងខេត្តនេះដើម្បីបន្តនីតិវិធី។ នេះបើតាមការប្រកាសកងនាវាចរណ៍ទី២ នៅថ្ងៃទី១៥ ខែតុលា។

 

អ្នកទាំង៥ រងការបទចោទធ្វើសកម្មភាពនេសាទខុសច្បាប់ក្នុងដែនទឹកថៃ ដំណើរការទូកនេសាទដោយគ្មានច្បាប់អនុញ្ញាត និងបទល្មើសមួយចំនួនទៀត។

 

នេះមិនមែនជាលើកទីមួយឡើយដែលទូកនេសាទវៀតណាម ចូលទៅដល់ដែនទឹករបស់ថៃ ពិសេសនៅប៉ែកខាងត្បូងប្រទេសនេះ។ ជារឿយៗ កងទ័ពជើងទឹកថៃ ចាប់ទុកទូកនេសាទខុសច្បាប់ជាច្រើនដែលរកស៊ីក្នុងដែនទឹករបស់ខ្លួន ជាមួយនឹងអនុវត្តច្បាប់យ៉ាងតឹងរ៉ឹងផង៕