សៀមរាប៖ ថ្ងៃទី៧ វិច្ឆិកា ជាថ្ងៃឈប់សម្រាកទី១នៃព្រះរាជពិធីបុណ្យអុំទូក បណ្ដែតប្រទីប សំពះព្រះខែ និងអកអំបុក។ ប្រជាពលរដ្ឋ ទេសចរជិតឆ្ងាយ បានសម្រុកដើរកម្សាន្តនៅរមណីយដ្ឋានអង្គរ ក្នុងនោះភាគច្រើននៅប្រាសាទអង្គរវត្ត។ ទេសចរជាតិដែលមកពីបណ្ដាខេត្តរាជធានីផ្សេងៗ ច្រើនដើរជាលក្ខណៈគ្រួសារ ដោយមានទាំងដូនចាស់ៗ និងកូនក្មេងមកជាមួយផង។

ចរាចរណ៍នៅបរិវេណមុខប្រាសាទអង្គរវត្ត មានការកកស្ទះដោយអន្លើ ខណៈដែលចំណតពេញដោយ យានយន្ត ហើយខ្លះបង្ខំឈប់សុំចតនៅលើដងផ្លូវ។ ទោះអាកាសធាតុរៀងខ្លាំងបន្ដិច តែសកម្មភាពដើរ មិនថមថយឡើយ៕