ភ្នំពេញ៖ វីដេអូដែលបង្ហាញពីជីវិតប្រចាំថ្ងៃរបស់អ្នកបើកបរហ្គ្រេប (Grab) សម្តែងដោយតារាភាពយន្តខ្មែរដ៏ល្បីល្បាញគឺលោក ទេព រិនដារ៉ូ ។ វីដេអូខ្លីនេះទទួលបានចំណាប់អារម្មណ៍យ៉ាងខ្លាំង ពីអ្នកបង្កើតមាតិកានានា ដូចជា Chris Dyna និង KhemraA ក៏ដូចជាអ្នកប្រើប្រាស់បណ្តាញសង្គម Facebook និងទំព័រហ្វេសប៊ុកក្នុងស្រុកជាច្រើនផ្សេងទៀត។ ពួកគេទាំងអស់គ្នាបង្ហាញពីការគាំទ្រ ចំពោះការខិតខំប្រឹងប្រែងធ្វើការងារ ដើម្បីផ្គត់ផ្គង់គ្រួសារបស់អ្នកបើកបរហ្គ្រេប។
ពាក់ព័ន្ធទៅនឹងវីដេអូ ដែលកំពុងទទួលបានការចាប់អារម្មណ៍ច្រើន នៅលើបណ្តាញសង្គមនេះផងដែរ លោក ទេព រិនដារ៉ូ បានថ្លែងថា៖ «ខ្ញុំពិតជាមានកិត្តិយសយ៉ាងខ្លាំង និងសូមកោតសរសើរអំពីសាច់រឿង ដែលព៌ណនាអំពីជីវិតពិតជាក់ស្តែងរបស់អ្នកបើកបរហ្រ្គេប ជាពិសេស គឺសូមកោតសរសើរដល់ការប្រឹងប្រែងធ្វើការងាររបស់ពួកគាត់ ប្រកបទៅដោយវិជ្ជាជីវៈ និងទំនួលខុសត្រូវខ្ពស់ ដែលខ្ញុំនឹកស្មានមិនដល់ »។
វីដេអូនេះ បានបង្ហាញពីជីវិតប្រចាំថ្ងៃរបស់អ្នកបើកបរម៉ូតូកង់បីហ្គ្រេបម្នាក់ ដែល តស៊ូដោះស្រាយស្ថានភាពជីវិតពិតផ្សេងៗ ដែលរាប់ចាប់ពីការបែកកង់របស់ម៉ូតូកង់បី ការជួសជុលកង់បី រហូតដល់ការងារជាច្រើនផ្សេងៗទៀត រួមទាំងការទទួលទានអាហារជាមួយគ្រួសារផងដែរ។
លោក ទេព រិនដារ៉ូ បានលើកឡើងថែមទៀតថា៖ «ខ្ញុំមានអារម្មណ៍រំភើបមែនទែន ដែលមានឱកាសបានស្វែងយល់ពីជីវិតផ្ទាល់របស់អ្នកបើកបរហ្រ្គេប តាមរយៈការសម្តែងនៅក្នុងវីដេអូនេះ។ អ្វីដែលកាន់តែគួរឱ្យស្ងើចសរសើរគឺ ក្រុមហ៊ុនហ្រ្គេប បានយកចិត្តទុកដាក់ និងគាំទ្រការខិតខំប្រឹងប្រែងរបស់អ្នកបើកបរគ្រប់ៗរូប តាមរយៈការបង្កើតវេទិកាឌីជីថល ដ៏មានអត្ថប្រយោជន៍នេះឡើង»។
បន្ថែមពីនេះ អ្នកគាំទ្រម្នាក់របស់លោក ទេព រិនដារ៉ូ គឺលោក ពុធ ឌីម៉ង់ បានចែករំលែកវីដេអូជាមួយនឹងចំណងជើងថា «អាយដូល ទេព រិនដារ៉ូ រត់ហ្គ្រេប (Grab) ខ្ញុំរត់តាក់ស៊ីតាមជាយដែន។ ការងារណាក៏មានតម្លៃដែរឱ្យតែបានដោយសុច្ចរិតត្រឹមត្រូវ ជាពិសេស សេរីភាពនៃការងារ »️ ដែលបង្ហាញថា វីដេអូនេះបានសាយភាយ ទៅដល់អ្នកបើកបរជាច្រើន និងបង្កើតឥទ្ធិពលជាវិជ្ជមានដល់អ្នកបើកបរ និងជួយលើកទឹកចិត្តពួកគាត់ឱ្យមានមោទកភាពចំពោះការងាររបស់ខ្លួន និងលទ្ធផលដែលពួកគាត់បានបង្កើតកន្លងមក។
ដើម្បីឆ្លើយតបទៅនឹងការយកចិត្តទុកដាក់ របស់សាធារណជន ចំពោះវីដេអូអំពីជីវិតប្រចាំថ្ងៃរបស់អ្នកបើកបរហ្គ្រេបរបស់លោក ទេព រិនដារ៉ូ លោក Corentin Rouxel ប្រធានក្រុមហ៊ុន ហ្រ្គេប ប្រចាំប្រទេសកម្ពុជា មានប្រសាសន៍ថា៖ «យើងជាក្រុមការងារ ហ្គ្រេប សូមយកឱកាសនេះ អរគុណចំពោះបងៗដៃគូបើកបររបស់យើងទាំងអស់ ដែលតែងតែខិតខំបំពេញការងារដោយពុំខ្លាចនឿយហត់ទោះក្ដៅ ឬ ត្រជាក់។ យើងពិតជាសូមអរគុណដែលបងៗ ប្រឹងប្រែងផ្ដល់ជូនសេវាកម្មដ៏ល្អប្រសើរ សម្រាប់អ្នកប្រើប្រាស់សេវាកម្មរបស់ហ្គ្រេបទាំងអស់។ ហើយក៏សូមអរគុណអ្នកប្រើប្រាស់សេវាកម្មរបស់ហ្គ្រេបទាំងអស់ ផងដែរ ដែលតែងតែគាំទ្រសេវាកម្មរបស់យើងរហូតមក»។
ក្រុមហ៊ុន ហ្គ្រេប បានប្រកាសជាផ្លូវការបើកដំណើរការ កម្មវិធីសេវាដឹកជញ្ជូនអាហារ GrabFood នៅក្នុងទីក្រុងភ្នំពេញនៅខែកក្កដា ឆ្នាំនេះ បន្ទាប់ពីបានដាក់ដំណើរការសាកល្បងដ៏ជោគជ័យរយៈពេល ៤ខែនៅក្នុងទីក្រុងនេះ។
ហ្គ្រេប ជាកម្មវិធីកក់សេវាធ្វើដំណើរ ដឹកជញ្ជូនទំនិញ និងដឹកជញ្ជូនអាហារអនឡាញ ដែលបានចូលក្នុងព្រះរាជាណាចក្រកម្ពុជានៅចុងឆ្នាំ២០១៧។
នៅថ្ងៃនេះ វីដេអូនេះមានអ្នកចូលមើលជាង 8K ហើយចំនួននេះអាចនឹងសាយភាយទៅកាន់អ្នកប្រើប្រាស់បណ្តាញសង្គមកម្ពុជាបន្ថែមទៀតក្នុងរយៈពេលប៉ុន្មានថ្ងៃខាងមុខនេះ៕
(អត្ថបទពាណិជ្ជកម្ម)