តាម​របាយការណ៍​របស់​លោក ហែម ស៊ីណារ៉េត ផ្ញើ​ជូន​លោក ឃួង ស្រេង អភិបាលរាជធានីភ្នំពេញ ក្នុងចំណោម​អ្នក​ជាប់​ទាំង១៤ ៦១៥នាក់ មាន​សិស្ស​ស្រី​ដល់​ទៅ ៧០,​៨៧ភាគរយ។ បើ​ប្រៀបធៀប​ទៅនឹង​ឆ្នាំ​២០២១ អត្រាអ្នកជាប់បាក់ឌុប​សរុប​ក្នុងរាជធានីភ្នំពេញ កើន​ពី​៥៨,​៣២ភាគរយ ទៅ​៦៤,៧១ភាគរយ។

 

ជាមួយ​គ្នានេះ សិស្សនិទ្ទេស A ក្នុង​រាជធានីភ្នំពេញ​នៅ​ឆ្នាំ២០២២នេះ មាន២៦៨នាក់ (ស្រី​១៣៧នាក់), និទ្ទេស B មាន​១៣៣៥នាក់ (ស្រី​៧៧៨នាក់), និទ្ទេស C មាន២៨៧០នាក់ (ស្រី​១៦៩៩នាក់), និទ្ទេស D មាន៤ ៦៦៦នាក់ (ស្រី២៤៩៧នាក់), និទ្ទេស E មាន​៥៤៧៦នាក់ (ស្រី​២៧២៦នាក់)។

 

កាលពី​សម័យ​ប្រឡង​២៧ ធ្នូ ឆ្នាំ​២០២១ ភ្នំពេញ​មាន​អ្នកជាប់​បាក់ឌុប​សរុប​១១ ៤៨៤នាក់ ក្នុង​ចំណោម​បេក្ខជន​ ១៩៦៩១នាក់។ រីឯនិទ្ទេស A កាលណោះ មាន​៥៦៥នាក់, និទ្ទេស B មាន​១១៨៤នាក់, និទ្ទេស C មាន​១៨៧២នាក់, និទ្ទេស D មាន​៣២៩២នាក់ និង​និទ្ទេស E មាន​៤៥​៧១នាក់៕