លោក ស៊ុន ចាន់ថុល រដ្ឋមន្រ្តីក្រសួងសាធារណការ និងដឹកជញ្ជូន បានមានប្រសាសន៍ថា ផ្លូវជាតិលេខ៤១នេះ សាងសង់ឆ្លងកាត់ខេត្តកណ្តាល កំពង់ស្ពឺ តាកែវ និងកំពត ដែលមានប្រវែង ៩៥,២៧គីឡូម៉ែត្រ ហើយគ្រោងចំណាយថវិកា ៦៧លានដុល្លារអាមេរិក។ 
  

 

ការស្ថាបនាផ្លូវជាតិលេខ៤១នេះ ចាប់ពីថ្នល់ទទឹង ត្រង់ចំណុចប្រសព្វផ្លូវជាតិលេខ៤ ក្នុងខេត្តកណ្ដាល រហូតដល់ស្រុកជុំគិរី ត្រង់ចំណុចប្រសព្វនៃផ្លូវជាតិលេខ៣ ខេត្តកំពត ។ ផ្លូវនេះ ត្រូវបានសាងសង់ឡើងវិញ ជាប្រភេទផ្លូវក្រាលបេតុងកៅស៊ូ AC កម្រាស់ ៥សង់ទីម៉ែត្រ និងពង្រីកទទឹងផ្លូវរហូតដល់ ១២ម៉ែត្រ។ នេះបើតាមលោក ស៊ុន ចាន់ថុល បានថ្លែងនៅក្នុងពិធីប្រកាសបើកការដ្ឋានស្ដារ និងលើកកម្រិតគុណភាពផ្លូវលេខ៤១ នៅព្រឹកថ្ងៃទី២៦ ខែធ្នូ ឆ្នាំ២០២២។

 

រដ្ឋមន្រ្តីក្រសួងសារធាការរូបនេះ បានបន្តថា ក្រៅពីនេះ ក៏មានការសាងសង់សំណង់សិល្បការ្យផ្សេងៗបន្ថែមទៀត រួមមាន ពង្រីកស្ពានចាស់ ១កន្លែង ប្រវែង ២០០ម៉ែត្រ ,ដាក់លូគ្រប់ប្រភេទចំនួន ៣១៥កន្លែង, បំពាក់កាមេរ៉ាត្រួតពិនិត្យល្បឿនចំនួន ៨កន្លែង រួមទាំងបំពាក់ផ្លាកសញ្ញាចរាចរណ៍ គំនូសសញ្ញាចរាចរណ៍ បង្គោលគីឡូម៉ែត្រ និងបង្គោលសុវត្ថិភាពផងដែរ។

 

«ផ្លូវជាតិលេខ៤១ ជាសរសៃឈាមសេដ្ឋកិច្ចដ៏មានសារៈសំខាន់ ក្នុងការតភ្ជាប់ទៅកាន់កំពង់ផែអន្តរជាតិសំខាន់ៗ»។ លោក ស៊ុន ចាន់ថុល បានបញ្ជាក់បែបនេះ ។

 

ផ្លូវជាតិលេខ៤១