អ្នកស្លាប់៦នាក់ដែលមិនទាន់ស្គាល់អត្តសញ្ញាណនោះ ត្រូវបានលោកអភិបាលខេត្តបន្ទាយមានជ័យអះអាងថា៖ «គឺមិនមែនជនជាតិខ្មែរ»។

ដោយឡែក អ្នករងរបួសចំនួន៥៧នាក់នោះ គឺខ្លះត្រូវបានបញ្ជូនទៅសង្គ្រោះនៅប្រទេសថៃ និងខ្លះទៀត បញ្ជូនទៅមន្ទីរពេទ្យក្បែរកន្លែងកើតហេតុនៅក្នុងប្រទេស។ ហេតុការណ៍ឆេះកាស៊ីណូហ្គេនដាយនៅសង្កាត់អូរជ្រៅ ក្រុងប៉ោយប៉ែត ខេត្ដបន្ទាយមានជ័យនេះ បានកើតឡើងតាំងពីម៉ោង ១១៖៣០នាទីយប់ថ្ងៃទី២៨ធ្នូ ឆ្នាំ២០២២។  មូលហេតុក្រោមការសនិ្នដ្ឋានជំហានដំបូងគឺ ឆ្លងចរន្ដអគ្គិសនីហើយបានរីករាលដាលឆាបឆេះតែម្ដង។

លោកអ៊ុំ រាត្រី បានបន្ថែមថា ការឆេះនេះគឺមានពីរអគារដែលផ្តើមចេញពីអគារហ្គេនដាយមិន ហើយក៏រាលដាលទៅកាន់អគារប៉ោយប៉ែត រីសត។ សម្រាប់ការ ខូចខាត គឺមិនទាន់អាចវាយតម្លៃបាននៅឡើយទេ៕