អន្តរជាតិ
តុលាការយោធាបិទបញ្ចប់ការកាត់ក្តីលោកស្រីស៊ូជី ដោយលោកស្រីជាប់ពន្ធនាគារសរុប៣៣ឆ្នាំ
លោកស្រី អ៊ុងសាន ស៊ូជី មេដឹកនាំរដ្ឋាភិបាលស៊ីវិលមីយ៉ាន់ម៉ា ដែលត្រូវបានទម្លាក់ចេញពីតំណែងក្នុងរដ្ឋប្រហារនាពេលកន្លងមក។ រូបភាព៖ AFP
×![]()
ដោយ: ងួន សុភាវត្តី
តុលាការយោធាមីយ៉ាន់ម៉ា នៅថ្ងៃទី ៣០ ខែធ្នូ បានបិទបញ្ចប់ការកាត់ក្តីលើមេដឹកនាំស៊ីវិលលោកស្រី អ៊ុងសាន ស៊ូជី ដោយម្ចាស់ពានរង្វាន់ណូបែលរូបនេះ ត្រូវជាប់ពន្ធនាគារសរុបចំនួន ៣៣ ឆ្នាំ។
លោកស្រី អ៊ុងសាន ស៊ូជី ដែលត្រូវបានយោធាចាប់ខ្លួនតាំងពីឆ្នាំ ២០២១ ត្រូវបានកាត់ទោសលើរាល់ការចោទប្រកាន់លើលោកស្រី រាប់ចាប់ពីអំពើពុករលួយ រហូតដល់ការកាន់កាប់ដោយឧបករណ៍ទាក់ទងខុសច្បាប់ និងការបំពានលើការរឹតបន្តឹងកូវីដ-១៩។
បើតាមទីភ្នាក់ងារព័ត៌មាន AFP លោកស្រី អ៊ុងសាន ស៊ូជី ត្រូវបានរកឃើញថាមានពិរុទ្ធលើបទចោទចំនួន ៥ ករណីពាក់ព័ន្ធនឹងការជួល ការទិញ និងថែទាំឧទ្ធម្ភាគចក្រ ដែលបានបណ្តាលឱ្យរដ្ឋខាតបង់។ «សំណុំរឿងរបស់លោកស្រីទាំងអស់ត្រូវបានបញ្ចប់ហើយមិនមានការចោទប្រកាន់បន្ថែមទៀតលើលោកស្រីទេ»។ នេះបើតាមប្រភពដែលបានសុំមិនបញ្ចេញឈ្មោះ។
ប្រភពដដែលបានបន្ថែមថា លោកស្រី អ៊ុងសាន ស៊ូជី ត្រូវកាត់ទោសឱ្យជាប់ពន្ធនាគាររយៈពេល ៣៣ ឆ្នាំបន្ទាប់ពីការកាត់ទោសឱយលោកស្រីជាប់ពន្ធនាគាររយៈ ១៨ ខែកន្លង។ យ៉ាងណាមិញប្រភពដដែលបានបន្ថែមថា លោកស្រីនៅមានសុខភាពល្អជាធម្មតា។
ដូចការកាត់ក្តីកន្លងមក អ្នកសារព័ត៌មានត្រូវបានហាមឃាត់មិនឱ្យចូលរួមក្នុងសវនាការរបស់តុលាការ ហើយមេធាវីរបស់លោកស្រីស៊ូជី ត្រូវបានហាមឃាត់មិនឱ្យនិយាយទៅកាន់ប្រព័ន្ធផ្សព្វផ្សាយ។ ប៉ុន្តែ ប្រភពដដែលបានបន្តថា លោកស្រី អ៊ុងសាន ស៊ូជី នឹងប្តឹងឧទ្ធរណ៍ចំពោះសាលក្រមចុងក្រោយនេះ។
ចាប់តាំងពីការកាត់ក្តីរបស់លោកស្រីបានចាប់ផ្តើមមក លោកស្រីត្រូវបានគេឃើញតែមួយដងប៉ុណ្ណោះ នៅក្នុងរូបថតរបស់ប្រព័ន្ធផ្សព្វផ្សាយរដ្ឋពីបន្ទប់សវនាការ ហើយបានពឹងផ្អែកលើមេធាវីដើម្បីបញ្ជូនសារទៅកាន់ពិភពលោក។
គួរបញ្ជាក់ថា កាលពីសប្តាហ៍មុន ក្រុមប្រឹក្សាសន្តិសុខអង្គការសហប្រជាជាតិ បានអំពាវនាវឱ្យរបបយោធាដោះលែងលោកស្រី អ៊ុងសាន ស៊ូជី នៅក្នុងដំណោះស្រាយលើកដំបូងរបស់ខ្លួនស្តីពីស្ថានភាពនៅក្នុងប្រទេសមីយ៉ាន់ម៉ា ចាប់តាំងពីការធ្វើរដ្ឋប្រហារ៕
លោកស្រី អ៊ុងសាន ស៊ូជី ដែលត្រូវបានយោធាចាប់ខ្លួនតាំងពីឆ្នាំ ២០២១ ត្រូវបានកាត់ទោសលើរាល់ការចោទប្រកាន់លើលោកស្រី រាប់ចាប់ពីអំពើពុករលួយ រហូតដល់ការកាន់កាប់ដោយឧបករណ៍ទាក់ទងខុសច្បាប់ និងការបំពានលើការរឹតបន្តឹងកូវីដ-១៩។
បើតាមទីភ្នាក់ងារព័ត៌មាន AFP លោកស្រី អ៊ុងសាន ស៊ូជី ត្រូវបានរកឃើញថាមានពិរុទ្ធលើបទចោទចំនួន ៥ ករណីពាក់ព័ន្ធនឹងការជួល ការទិញ និងថែទាំឧទ្ធម្ភាគចក្រ ដែលបានបណ្តាលឱ្យរដ្ឋខាតបង់។ «សំណុំរឿងរបស់លោកស្រីទាំងអស់ត្រូវបានបញ្ចប់ហើយមិនមានការចោទប្រកាន់បន្ថែមទៀតលើលោកស្រីទេ»។ នេះបើតាមប្រភពដែលបានសុំមិនបញ្ចេញឈ្មោះ។
ប្រភពដដែលបានបន្ថែមថា លោកស្រី អ៊ុងសាន ស៊ូជី ត្រូវកាត់ទោសឱ្យជាប់ពន្ធនាគាររយៈពេល ៣៣ ឆ្នាំបន្ទាប់ពីការកាត់ទោសឱយលោកស្រីជាប់ពន្ធនាគាររយៈ ១៨ ខែកន្លង។ យ៉ាងណាមិញប្រភពដដែលបានបន្ថែមថា លោកស្រីនៅមានសុខភាពល្អជាធម្មតា។
ដូចការកាត់ក្តីកន្លងមក អ្នកសារព័ត៌មានត្រូវបានហាមឃាត់មិនឱ្យចូលរួមក្នុងសវនាការរបស់តុលាការ ហើយមេធាវីរបស់លោកស្រីស៊ូជី ត្រូវបានហាមឃាត់មិនឱ្យនិយាយទៅកាន់ប្រព័ន្ធផ្សព្វផ្សាយ។ ប៉ុន្តែ ប្រភពដដែលបានបន្តថា លោកស្រី អ៊ុងសាន ស៊ូជី នឹងប្តឹងឧទ្ធរណ៍ចំពោះសាលក្រមចុងក្រោយនេះ។
ចាប់តាំងពីការកាត់ក្តីរបស់លោកស្រីបានចាប់ផ្តើមមក លោកស្រីត្រូវបានគេឃើញតែមួយដងប៉ុណ្ណោះ នៅក្នុងរូបថតរបស់ប្រព័ន្ធផ្សព្វផ្សាយរដ្ឋពីបន្ទប់សវនាការ ហើយបានពឹងផ្អែកលើមេធាវីដើម្បីបញ្ជូនសារទៅកាន់ពិភពលោក។
គួរបញ្ជាក់ថា កាលពីសប្តាហ៍មុន ក្រុមប្រឹក្សាសន្តិសុខអង្គការសហប្រជាជាតិ បានអំពាវនាវឱ្យរបបយោធាដោះលែងលោកស្រី អ៊ុងសាន ស៊ូជី នៅក្នុងដំណោះស្រាយលើកដំបូងរបស់ខ្លួនស្តីពីស្ថានភាពនៅក្នុងប្រទេសមីយ៉ាន់ម៉ា ចាប់តាំងពីការធ្វើរដ្ឋប្រហារ៕
© រក្សាសិទ្ធិដោយ thmeythmey.com
«ស្មើរនេះ», «ថ្មើរនេះ» និង«ថ្មារនេះ» មួយណាត្រូវ?
ភ្នំពេញ 4 ថ្ងៃ
